перазімо́ўка, ‑і, ДМ ‑моўцы, ж.
Дзеянне і стан паводле знач. дзеясл. перазімоўваць — перазімаваць.
перазірну́цца, ‑нуся, ‑нешся, ‑нецца; ‑нёмся, ‑няцеся; зак.
Разм. Абмяняцца позіркамі; пераглянуцца. [Дзямід Сыч:] — Якаў Донька тут? — Усе перазірнуліся. За Доньку чамусьці весела адказаў Міхаль Павіцкі. Паслядовіч.
перазме́нка, ‑і, ДМ ‑нцы; Р мн. ‑нак; ж.
1. Прадугледжаная графікам работы прадпрыемства замена рабочых адной змены рабочымі наступнай змены. Гарэў зялёны агеньчык спераду машыны, але таксі не спынялася, і я злаваў, пакуль не здагадаўся, што недзе тут блізка таксапарк і што машыны, мусіць, ідуць на перазменку. М. Стральцоў. Пры такім спосабе значна менш траціцца часу на перазменкі, на здачу-прыёмку інструментаў. «ЛіМ».
2. Разм. Тое, што і змена (у 5 знач.). [Антон:] — Трэба купляць новыя боты — на перазменку. Савіцкі.
перазнаёміцца, ‑млюся, ‑мішся, ‑міцца; зак.
Пазнаёміцца з усімі, многімі або паміж сабою. Расказваючы аб дарожных прыгодах, таўстун звяртаўся то да аднаго, то да другога пасажыра, і неяк само так выйшла, што ў купэ ўсе хутка перазнаёміліся. Васілёнак.
перазнаёміць, ‑млю, ‑міш, ‑міць; зак., каго.
Пазнаёміць паміж сабою ўсіх, многіх або каго‑н. аднаго з усімі, многімі. [Зося] зноў пачала бегаць то ў хату, то на веранду. Між гэтай справай сумела ўсіх перазнаёміць. Ваданосаў.
перазніма́нне, ‑я, н.
Дзеянне паводле знач. дзеясл. перазнімаць — перазняць і перазнімацца — перазняцца.
перазніма́цца, ‑аюся, ‑аешся, ‑аецца; незак.
1. Незак. да перазняцца.
2. Зал. да перазнімаць.
перазніма́ць, ‑аю, ‑аеш, ‑ае.
Незак. да перазняць.
перазня́ты, ‑ая, ‑ае.
Дзеепрым. зал. пр. ад перазняць.
перазня́цца, ‑знімуся, ‑знімешся, ‑знімецца; зак.
Сфатаграфавацца нанава, іначай, яшчэ раз.