Verbum

перадвясе́льны, ‑ая, ‑ае.

Які бывае перад вяселлем, папярэднічае вяселлю. Перадвясельныя турботы.

перадвясе́нні, ‑яя, ‑яе.

Тое, што і перадвеснавы.

перадвячэ́рні, ‑яя, ‑яе.

Які бывае перад вечарам, папярэднічае вечару. Перадвячэрні час. □ Дзённая гарачыня спала, і вуліца ахіналася перадвячэрнім халадком і цішынёю. Карпаў.

перадгісто́рыя, ‑і, ж.

Перыяд, які папярэднічае гісторыі чаго‑н. Перадгісторыя чалавецтва. // Тое, што папярэднічае ўзнікненню, развіццю чаго‑н. і падрыхтоўвае гэтае развіццё, узнікненне. Перадгісторыя завода.

перадго́р’е, ‑я, н.

Мясцовасць перад гарамі; ускраінная частка горнай сістэмы, горнага хрыбта.

перадго́рны, ‑ая, ‑ае.

Які мае адносіны да перадгор’я. // Размешчаны перад гарамі. Перадгорная раўніна.

пераддзве́р’е, ‑я, н.

Спец. Пачатак уваходу ў якую‑н. адтуліну, у канал жывёльнага арганізма. Пераддзвер’е ў вушным лабірынце.

пераддыпло́мны, ‑ая, ‑ае.

Які папярэднічае абароне дыпломнага праекта, дыпломнай работы. Пераддыпломная практыка.

перадзві́жнік, ‑а, м.

Перадавы, дэмакратычна настроены мастак-рэаліст другой паловы XIX ст. у Расіі, удзельнік перасовачных мастацкіх выставак.

перадзві́жніцкі, ‑ая, ‑ае.

Які мае адносіны да перадзвіжнікаў, перадзвіжніцтва.