гара́жны, ‑ая, ‑ае.
Які мае адносіны да гаража. Гаражныя майстэрні. Гаражнае абсталяванне.
гарана́, нескл., м.
Гарадскі аддзел народнай асветы.
гара́нка, ‑і, ДМ ‑нцы; Р мн. ‑нак; ж.
Жан. да горац.
гара́нт, ‑а, М ‑нце, м.
Той, хто дае гарантыю ў чым‑н., паручыцель.
[Фр. garant.]
гарантава́ны, ‑ая, ‑ае.
1. Дзеепрым. зал. пр. ад гарантаваць.
2. у знач. прым. Забяспечаны, надзейны. Гарантаваная аплата працы.
гарантава́цца, ‑туецца; незак.
Зал. да гарантаваць.
гарантава́ць, ‑тую, ‑туеш, ‑туе; зак. і незак., што.
Даць (даваць) гарантыю ў чым‑н., забяспечыць (забяспечваць) што‑н. Гарантаваць свабоду і незалежнасць народаў. Гарантаваць права на працу. // Быць гарантыяй у чым‑н., засцерагчы (засцерагаць) ад чаго‑н. Старанная падрыхтоўка да аперацыі гарантавала поспех.
гаранты́йны, ‑ая, ‑ае.
Які заключае ў сабе гарантыю, з’яўляецца гарантыяй. Гарантыйнае пісьмо. // Прадугледжаны гарантыяй. Гарантыйны тэрмін.
гара́нтыя, ‑і, ж.
Запэўненне ў чым‑н., забеспячэнне чаго‑н.; парука. Гарантыя правоў. Тавар з гарантыяй. // Залог, умова, якая забяспечвае поспех чаго‑н. Паспяховы запуск магутнай савецкай многаступеньчатай ракеты з’яўляецца гарантыяй таго, што савецкая навука даб’ецца новага прагрэсу на шляху асваення касмічнай прасторы. «Звязда».
[Фр. garantie.]
гарапа́шнік, ‑а, м.
Разм. Бядняк, гаротнік. — Так, — згадзіўся дзед Талаш, — ..Пан ёсць пан, а наш брат просты чалавек, гарапашнік — ён сваю мае думку і свой інтарэс, паляк ён ці немец. Колас.