Verbum

перабазіро́ўка, ‑і, ДМ ‑роўцы; Р мн. ‑ровак; ж.

Разм. Дзеянне паводле знач. дзеясл. перабазіраваць, перабазіравацца.

перабалаці́раваны, ‑ая, ‑ае.

Дзеепрым. зал. пр. ад перабалаціраваць.

перабалаці́равацца, ‑руюся, ‑руешся, ‑руецца; зак.

Выставіць сваю кандыдатуру для паўторнага галасавання.

перабалаці́раваць, ‑рую, ‑руеш, ‑руе; зак., каго-што.

Вырашыць якое‑н. пытанне шляхам паўторнай балаціроўкі.

перабалаціро́ўвацца, ‑аюся, ‑аешся, ‑аецца; незак.

1. Незак. да перабалаціравацца.

2. Зал. да перабалаціроўваць.

перабалаціро́ўваць, ‑аю, ‑аеш, ‑ае.

Незак. да перабалаціраваць.

перабалаціро́ўка, ‑і, ДМ ‑роўцы; Р мн. ‑ровак; ж.

Дзеянне паводле знач. дзеясл. перабалаціроўваць, перабалаціроўвацца.

перабале́ць, ‑ліць; зак.

Перанесці, зазнаць моцны боль. Пакуль збярэш [ураджай] — колькі мук вынесеш, колькі сэрца тваё перабаліць. Гартны. // Перастаць балець; супакоіцца, адбалець. [Пятро Сцяпанавіч:] — Усё гэта пройдзе, уляжацца, перабаліць. Палтаран. / у безас. ужыв. І бацька з цягам часу стаў адносіцца да мяне, як да таго адрэзанага пальца: адцяў, выкінуў, перабалела, і ўсё. Сабаленка.

перабаранава́ны, ‑ая, ‑ае.

Дзеепрым. зал. пр. ад перабаранаваць.

перабаранава́ць, ‑ную, ‑нуеш, ‑нуе; зак., што.

1. Пабаранаваць нанава, яшчэ раз. Перабаранаваць папар.

2. Забаранаваць усё, многае.