Verbum

ператынкава́ны, ‑ая, ‑ае.

Дзеепрым. зал. пр. ад ператынкаваць.

ператынкава́ць, ‑кую, ‑куеш, ‑куе; зак., што.

1. Атынкаваць усё, многае.

2. Атынкаваць нанава, іначай.

ператынко́ўванне, ‑я, н.

Дзеянне паводле знач. дзеясл. ператынкоўваць — ператынкаваць.

ператынко́ўвацца, ‑аецца; незак.

Зал. да ператынкоўваць.

ператынко́ўваць, ‑аю, ‑аеш, ‑ае.

Незак. да ператынкаваць.

пераўвасабле́нне, ‑я, н.

Дзеянне паводле знач. дзеясл. пераўвасабляць — пераўвасобіць; дзеянне і стан паводле знач. дзеясл. пераўвасабляцца — пераўвасобіцца. У Славы прыроджаны талент пераўвасаблення. Каб пайшоў у тэатральны, быў бы артыстам. Навуменка.

пераўвасабля́цца, ‑яюся, ‑яешся, ‑яецца; незак.

1. Незак. да пераўвасобіцца.

2. Зал. да пераўвасабляць.

пераўвасабля́ць, ‑яю, ‑яеш, ‑яе.

Незак. да пераўвасобіць.

пераўвасо́біцца, ‑соблюся, ‑собішся, ‑собіцца; зак.

Увасобіцца ў каго‑, што‑н., прыняць іншы выгляд, іншую форму; ператварыцца; змяніцца. Уменне пераўвасобіцца, стаць на месца свайго героя і гаварыць яго мовай з’яўлялася той якасцю творчасці Змітрака Бядулі, якая забяспечыла яго творам вялікі і заслужаны поспех. Кучар. У адно імгненне Слава пераўвасобіўся. Імклівы, парывісты крок, рашучы позірк вачэй, грамавы голас. Навуменка.

пераўвасо́біць, ‑соблю, ‑собіш, ‑собіць; зак., каго-што.

Увасобіць у што‑н. іншае, надаць другую форму, другі выгляд.