нелега́льшчына, ‑ы, ж.
Разм. Нелегальная літаратура, а таксама нелегальная дзейнасць. [Андросава:] — Усё маё навучанне ў апошнія дні складалася з таго, што я збірала дарослых і чытала ім усякую нелегальшчыну. Колас.
нелікві́д, ‑а, М ‑дзе, м.
Спец. Маёмасць, якая не можа быць выкарыстана на даным прадпрыемстве і падлягае перадачы каму‑н. або прадаецца.
[Ад лац. liquidus — вадкі, пякучы.]
нелікві́дны, ‑ая, ‑ае.
Спец. Які мае адносіны да неліквіда. Неліквіднае абсталяванне.
неліню́чы, ‑ая, ‑ае.
Разм. Які не ліняе, мае трывалую афарбоўку. Нелінючая тканіна.
нелітарату́рны, ‑ая, ‑ае.
Які не належыць да літаратуры, да літаратурнай мовы. Нелітаратурнае слова.
не́льга, безас. у знач. вык.
1. Немагчыма; няма магчымасці. Да майго слыху даляталі толькі адны галасы, слоў жа разабраць было нельга. Нікановіч. Пісаць больш нельга, бо ў нас трывога, І я кладу за плечы клунак свой. Астрэйка. Шкадавала маці Ігнася, ой, як шкадавала, — выказаць нельга. Мурашка.
2. Забаронена, не дазваляецца. Курыць тут нельга: побач бензін. // Няможна, не трэба. Нельга ж так мучыць каня, трэба адпачыць жывёле. Сёмка даў каню захвачаны [з дому] авёс і .. прылёг каля воза. Гартны. — Глеба гатова, марудзіць нельга, трэба сеяць, каб не спазніцца. Зарэцкі.
•••
Нельга не адзначыць гл. адзначыць.
не́льма, ‑ы, ж.
Прамысловая рыба сямейства ласосевых, якая водзіцца ў паўночных рэках і марах.
нелюбо́ў, ‑бві, ж.
Непрыязнасць, непрыхільнасць. Дагэтуль [Раю] больш хвалявала нелюбоў вучняў да Віктара Паўлавіча, чым яго прыдзіркі да Аляксея. Шамякін.
не́людзень, ‑дня, м.
Разм. Тое, што і нелюдзь (у 1 знач.).