Verbum

збожжанарыхто́ўкі, ‑товак; адз. збожжанарыхтоўка, ‑і, ДМ ‑тоўцы, ж.

Планавая нарыхтоўка збожжа дзяржавай. План збожжанарыхтоўкі.

збожжанарыхто́ўчы, ‑ая, ‑ае.

Які мае адносіны да збожжанарыхтовак. Збожжанарыхтоўчая кампанія.

збожжанарыхто́ўшчык, ‑а, м.

Той, хто праводзіць збожжанарыхтоўкі.

збожжапагру́зчык, ‑а, м.

Механічная прылада для пагрузкі збожжа.

збожжапаста́ўкі, ‑тавак; адз. збожжапастаўка, ‑і, ДМ ‑таўцы, ж.

Планавая здача збожжа дзяржаве. Выканаць план збожжапаставак.

збожжаправо́д, ‑а, М ‑дзе, м.

Прыстасаванне для падачы збожжа.

збожжапрыёмны, ‑ая, ‑ае.

Звязаны з прыёмам збожжа (па дзяржаўных пастаўках). Збожжапрыёмны пункт.

збожжапу́льт, ‑а, М ‑льце, м.

Машына для ачысткі і сартавання, а таксама для перагрузкі і сушкі збожжа.

збожжасто́й, ‑ю, м.

Расліннае покрыва збожжавых палёў да ўборкі. Густы збожжастой.

збожжасхо́вішча, ‑а, н.

Памяшканне для захоўвання збожжа. Пабудаваць збожжасховішча.