Verbum

рамо́нны, ‑ая, ‑ае.

Які мае адносіны да рамону, уласцівы яму. Раменны пах. // Прыгатаваны або здабыты з кветак рамону. Раменны чай.

рамо́нт ​¹, ‑у, М ‑нце, м.

Ліквідацыі пашкоджанняў, паломак. Рамонт абутку. Рамонт кватэры. □ Мікалай Буткавец — вядомы ў акрузе майстар па рамонту збруі — суткамі не разгінаўся над хамутамі і набадрамі. Курто. [Паравоз] пабегаў семдзесят тысяч кіламетраў і зараз па праву і па неабходнасці становіцца на .. рамонт. Лось.

[Фр. remonter.]

рамо́нт ​², ‑у, М ‑нце, м.

Спец.

1. Папаўненне табуна або статка маладняком.

2. Ліквідацыя зрэджанасці пасеваў, прысад насеннем, саджанцамі і пад. Рамонт вінаградніку.

[Фр. remonte.]

рамо́нтнік, ‑а, м.

Рабочы, які займаецца рамонтам ​¹. Слесар-рамонтнік. □ [Стрыжак:] — На ўсякі выпадак, ты на каго, хлопча, рыхтуешся — на рамонтніка ці на эксплуатацыйніка? Васілёнак.

рамо́нтны ​¹, ‑ая, ‑ае.

Які мае адносіны да рамонту ​¹, прызначаны для рамонту ​¹. Рамонтныя работы. Рамонтны завод. □ З Вербава .. [Чарняхоўскі] падаўся на чыгунку і стаў працаваць рамонтным рабочым. Мележ.

рамо́нтны ​², ‑ая, ‑ае.

Спец. Які мае адносіны да рамонту ​². Рамонтны маладняк.

рамо́ўка, ‑і, ДМ ‑моўцы; Р мн. ‑мовак; ж.

Абл. Рамачны вулей. Пчол таксама было толькі пятнаццаць рамовак. Броўка.

ра́мпа, ‑ы, ж.

Невысокі бар’ер уздоўж авансцэны, які прыкрывае ад гледачоў прыборы для асвятлення сцэны. Рассунуўшы машастовую заслону, перад рампай узнік канферансье. Мікуліч. // Асвятляльная апаратура, якая змяшчаецца за такім бар’ерам. Агні рампы.

[Фр. rempe.]

рамс, ‑у, м.

Від азартнай картачнай гульні.

[Ад англ. rams — бараны.]

рамштэ́кс, ‑у, м.

Адбіты і падсмажаны ў сухарах скрылік ялавічыны. Рамштэкс з гарнірам.

[Англ. rump-steak — кавалак выразкі.]

ра́мшчык, ‑а, м.

Рабочы, які працуе на лесапільнай раме.

рамяне́ц, ‑нца, м.

Стужачны чарвяк, які паразітуе ў целе рыб і вадаплаўных птушак.