перарысо́ўваць, ‑аю, ‑аеш, ‑ае.
Незак. да перарысаваць.
перарысо́ўка, ‑і, ДМ ‑соўцы; Р мн. ‑совак; ж.
Дзеянне паводле знач. дзеясл. перарысоўваць — перарысаваць.
перары́ты, ‑ая, ‑ае.
Дзеепрым. зал. пр. ад перарыць.
перары́ў, ‑рыву, м.
1. Разрыў, раз’яднанне чаго‑н. на часткі. Перарыў провада. // Месца абрыву, разрыву.
2. Непаслядоўнасць у якой‑н. дзейнасці, працэсе і пад.; пропуск. З таго часу, зімою, з перарывамі, хадзіла многа старых.. у Нёмнаборскую школу за паўвярсты. Чорны.
3. Спыненне (звычайна ненадоўга) дзеяння, развіцця чаго‑н. Гаварыць з перарывамі.
4. Прамежак часу, на які спыняецца дзеянне, развіццё чаго‑н. Словы знікалі ў кулямётным стракатанні, але ў перарывах, у адразу наступіўшай густой цішыні, яны выразна вырываліся, выплывалі знаёмай мелодыяй. Лынькоў. [Ягор:] — Дык назначайце выбары! А то ў мяне будзе перарыў у стажы. Шамякін.
перары́ць, ‑рыю, ‑рыеш, ‑рые; зак., што.
1. Разрыць, парыць лычом усё, многае. Свінні перарылі ўвесь агарод.
2. Разм. Раскідаць, перавярнуць што‑н. у пошуках чаго‑н.; перакапаць. Перарыць усе рэчы ў каморцы. □ На вакзале я быў затрыманы сышчыкамі, якія перарылі мой вучнёўскі чамадан. Танк. — Пуста! Я ж табе сказаў, што .. [Антон] напэўна павязе .. [паперы] з сабою, — нервова прашыпеў Громаў, калі яны перарылі ўвесь стол. Рамановіч.
перарэгістрава́ны, ‑ая, ‑ае.
Дзеепрым. зал. пр. ад перарэгістраваць.
перарэгістрава́цца, ‑руюся, ‑руешся, ‑руецца; зак.
Зарэгістравацца нанава, яшчэ раз.
перарэгістрава́ць, ‑рую, ‑руеш, ‑руе; зак., каго-што.
Зарэгістраваць нанава, яшчэ раз. Перарэгістраваць усіх чытачоў бібліятэкі.
перарэгістра́цыя, ‑і, ж.
Новая, паўторная рэгістрацыя. Перарэгістрацыя дакументаў.
перарэдагава́ць, ‑гую, ‑гуеш, ‑гуе; зак., што.
Адрэдагаваць нанава і іначай. Перарэдагаваць артыкул.