расцэ́ньваць, ‑аю, ‑аеш, ‑ае.
Незак. да расцаніць.
расцюкава́ны, ‑ая, ‑ае.
Дзеепрым. зал. пр. ад расцюкаваць.
расцюкава́ць, ‑кую, ‑куеш, ‑куе; зак., што.
Развязаць, распакаваць (цюк, звязку).
расцюко́ўванне, ‑я, н.
Дзеянне паводле знач. дзеясл. расцюкоўваць — расцюкаваць.
расцюко́ўвацца, ‑аецца; незак.
Зал. да расцюкоўваць.
расцюко́ўваць, ‑аю, ‑аеш, ‑ае.
Незак. да расцюкаваць.
расцюко́ўка, ‑і, ДМ ‑ўцы; ж.
Дзеянне паводле знач. дзеясл. расцюкоўваць — расцюкаваць.
расцяга́ны, ‑ая, ‑ае.
Дзеепрым. зал. пр. ад расцягаць.
расцяга́ць, ‑аю, ‑аеш, ‑ае; зак., каго-што.
Разабраць, разнесці за некалькі прыёмаў, у розныя месцы. Ніжніх лесвіц няма — расцягалі на дровы, на верхніх ярусах — густыя пераплёты коса пастаўленых клетак. Навуменка. Абгніў, абваліўся паркан. Праўда, .. [Алеся] сама пакрысе яго расцягала. Скрыган. // Раскрасці. Пайсці ў лес, гэта значыць кінуць усё дабро. А хіба яно застанецца цэлае! Яго ж расцягаюць дарэшты. Чарнышэвіч.
расця́гванне, ‑я, н.
Дзеянне паводле знач. дзеясл. расцягваць — расцягнуць.