расцугля́ны, ‑ая, ‑ае.
1. Дзеепрым. зал. пр. ад расцугляць.
2. у знач. прым. Без цугляў, вызвалены ад цугляў. Расцугляныя коні.
3. перан. Разбэшчаны, распушчаны, нічым не стрыманы. Яму давялося быць сведкам самага расцуглянага хабарніцтва, якое тварылася вакол. Колас.
расцугля́цца, ‑яецца; зак.
Вызваліцца ад цугляў.
расцугля́ць, ‑яю, ‑яеш, ‑яе; зак., каго-што.
Выняць з рота каня цуглі, адшчапіўшы ад аброці. Расцугляць каня.
расцыры́кацца, ‑аецца; зак.
Разм. Пачаць доўга, бесперастанку цырыкаць.
расцэ́начны, ‑ая, ‑ае.
Які мае адносіны да ўстанаўлення расцэнак. Расцэначная ведамасць.
расцэ́нены, ‑ая, ‑ае.
Дзеепрым. зал. пр. ад расцаніць.
расцэ́нка, ‑і, ДМ ‑нцы, ж.
1. Дзеянне паводле дзеясл. расцэньваць — расцаніць (у 1 знач.).
2. Р мн. ‑нак. Устаноўленая цана (за якія‑н. тавары), устаноўленая аплата (якой‑н. работы). Заніжаныя расцэнкі. Гарантаваныя расцэнкі. □ Ні стары, ні малы не верылі, што ім на расцяробе лініі «гэтулькі многа» будуць плаціць. Давялося паказаць расцэнкі. Пташнікаў.
расцэ́ншчык, ‑а, м.
Той, хто вызначае расцэнкі на што‑н.
расцэ́ньвацца, ‑аецца; незак.
Зал. да расцэньваць.