пераахало́джваць, ‑аю, ‑аеш, ‑ае.
Незак. да пераахаладзіць.
пераацані́ць, ‑цаню, ‑цэніш, ‑цаніць; зак., каго-што.
1. Ацаніць яшчэ раз, нанава. Пераацаніць маёмасць. Пераацаніць тавары. □ [Касманаўты] шмат бачылі, паспелі пераацаніць тое, што лічылі важным некалі даўно, на Зямлі, у паўсядзённым жыцці. Шыцік.
2. Ацаніць занадта высока. Пераацаніць свае здольнасці. □ Цяжка пераацаніць значэнне друку як калектыўнага прапагандыста, арганізатара і агітатара ў развіцці і забеспячэнні эфектыўнасці сацыялістычнага будаўніцтва. «Звязда».
пераацэ́нка, ‑і, ДМ ‑нцы; Р мн. ‑нак; ж.
Дзеянне паводле знач. дзеясл. пераацэньваць — пераацаніць.
пераацэ́ньванне, ‑я, н.
Дзеянне паводле знач. дзеясл. пераацэньваць — пераацаніць.
пераацэ́ньвацца, ‑аецца; незак.
Зал. да пераацэньваць.
пераацэ́ньваць, ‑аю, ‑аеш, ‑ае.
Незак. да пераацаніць.
пераба́віцца 1, ‑баўлюся, ‑бавішся, ‑бавіцца; зак.
Разм. Сяк-так пражыць, абысціся некаторы час без чаго‑н.; перабіцца (у 2 знач.).
пераба́віцца 2, ‑баўлюся, ‑бавішся, ‑бавіцца; зак.
Разм. Пераадольваючы цяжкасці, пераправіцца ў іншае месца. Перабавіцца праз лінію фронту.
пераба́віць 1, ‑баўлю, ‑бавіш, ‑бавіць; зак., чаго.
Разм. Дабавіць чаго‑н. больш, чым патрэбна; перадаць лішняе. Перабавіць солі ў суп.
пераба́віць 2, ‑баўлю, ‑бавіш, ‑бавіць; зак., каго-што.
Разм. Пераадольваючы цяжкасці, пераправіць каго‑, што‑н. у іншае месца. Перабавіць абоз цераз брод. □ — Віктар застаўся там, у бараку, — адказаў, падумаўшы, Тарасюк. — Добра было б і яго сюды перабавіць. Тады ўсе былі б у зборы. Трэба пагаварыць з доктарам... С. Александровіч.
перабада́цца, ‑аецца; зак.
Перабадаць адзін аднаго. Перабадаліся каровы ў статку.
перабада́ць, ‑ае; зак., каго.
Пабадаць, забадаць усіх, многіх.