пераключы́цца, ‑ключуся, ‑ключышся, ‑ключыцца; зак.
1. Аказацца пераключаным (гл. пераключыць у 1 знач.).
2. Перайсці на іншы від працы, змяніць галіну сваёй дзейнасці, пачаць дзейнічаць іначай. Цяпер уся рыбаводная брыгада пераключыцца на сажалкі, бо пара ўжо звярнуць на іх увагу. Чарнышэвіч. І зараз жа хлопцы пераключыліся на бадзёры тон. Карпюк.
3. перан. Накіраваць сваю ўвагу, думкі і пад. на што‑н. іншае. Як толькі маці выйшла, думкі Міколы пераключыліся на калгасныя справы. Кавалёў.
пераключы́ць, ‑ключу, ‑ключыш, ‑ключыць; зак., што.
1. Адключыўшы ад якой‑н. сістэмы адны элементы, апараты, уключыць другія. Наўроцкі пераключыў хуткасць. Машына рванулася наперад. Чарнышэвіч. // Змяніць напрамак (патоку электрычнай энергіі, вадкасці, газу і пад.).
2. Перавесці на іншы від працы, выкарыстаць іначай. Пераключыць цэх на іншую вытворчасць. Пераключыць лабараторыю на іншую тэматыку.
3. перан. Падаць іншы папрамак чаму‑н. (размове, думкам і пад.). Пераключыць гутарку на іншую тэму. Пераключыць сваю ўвагу на іншы прадмет.
пераключэ́нне, ‑я, н.
Дзеянне паводле знач. дзеясл. пераключаць — пераключыць і стан паводле знач. дзеясл. пераключацца — пераключыцца.
перакляпа́ны, ‑ая, ‑ае.
Дзеепрым. зал. пр. ад перакляпаць.
перакляпа́ць, ‑аю, ‑аеш, ‑ае; зак., што.
1. Закляпаць, накляпаць яшчэ раз, іначай.
2. Закляпаць, накляпаць усё, многае.
перако́латы 1, ‑ая, ‑ае.
Дзеепрым. зал. пр. ад перакалоць 1.
перако́латы 2, ‑ая, ‑ае.
Дзеепрым. зал. пр. ад перакалоць 2.
перако́лванне, ‑я, н.
Дзеянне паводле дзеясл. пераколваць 2 — перакалоць 2 (у 1 знач.).
перако́лвацца 1, ‑аецца; незак.
Зал. да пераколваць 1.
перако́лвацца 2, ‑аецца; незак.
Зал. да пераколваць 2.
перако́лваць 1, ‑аю, ‑аеш, ‑ае.
Незак. да перакалоць 1.
перако́лваць 2, ‑аю, ‑аеш, ‑ае.
Незак. да перакалоць 2.
перако́лка, ‑і, ДМ ‑лцы; Р мн. ‑лак; ж.
Дзеянне паводле дзеясл. пераколваць 2 — перакалоць 2 (у 1 знач.).