перакіто́ўка, ‑і, ДМ ‑тоўцы; Р мн. ‑товак; ж.
Разм. Дзеянне паводле знач. дзеясл. перакітоўваць — перакітаваць.
перакла́д, ‑у, М ‑дзе, м.
Тэкст або вусная мова, перакладзеныя з аднае мовы на другую. Пераклад артыкула. □ [Казімір:] — Ці не зробіце вы пераклад майго адказу на французскую мову? Краўчанка.
•••
Вольны пераклад — пераклад, які суправаджаецца літаратурнай апрацоўкай тэксту і дапускае некаторыя адхіленні ад арыгінала ў адносінах формы, стылю і пад.
пераклада́нне, ‑я, н.
Дзеянне паводле знач. дзеясл. перакладаць — перакласці.
пераклада́цца, ‑аецца; незак.
Зал. да перакладаць (у 1–4 знач.).
пераклада́ць, ‑аю, ‑аеш, ‑ае.
Незак. да перакласці.
перакла́дванне, ‑я, н.
Дзеянне паводле дзеясл. перакладваць — перакласці (у 1–4 знач.).
перакла́двацца, ‑аецца; незак.
Зал. да перакладваць.
перакла́дваць, ‑аю, ‑аеш, ‑ае.
Незак. да перакласці.
перакла́дзены, ‑ая, ‑ае.
Дзеепрым. зал. пр. ад перакласці.
перакла́дзіна, ‑ы, ж.
Папярочны брус, жэрдка, дошка і пад. Ластаўчына гняздо было ў самым гумне, на падстрэшнай перакладзіне. Якімовіч. Ёмкая перакладзіна, прыбітая .. ўпоперак дзвярэй, вартуе цяпер хатку над балотцам. Колас. // Тое, што і турнік. // Спец. Верхняя частка крапяжу ў шахтах.