Verbum

хлеб, ✂, м.

1. Прадукт харчавання, які выпякаецца з мукі.

   • Чорны х.
   • Сітны х.
   • Пшанічны х.

2. Зерне, якое мелецца на муку.

   • Нарыхтоўка хлеба.
   • Уборка хлеба.
   • Х. — усяму галава (прыказка).

3. Зерневыя расліны (жыта, пшаніца і пад.) на корані.

   • Добра ўрадзіў хлеб.
   • Хлябы ў рост чалавека.

4. Сродкі для існавання, заробак.

   • Цяжкай працай здабываць свой х.
   • Адабраць чужы х.

◊

• Аб адным хлебе (разм.) — без дадатковай стравы.

• Без хлеба сядзець (разм.) — быць незабяспечаным сродкамі існавання.

• Зайцаў хлеб (разм. жарт.) — рэшткі яды, прывезеныя з поля, з лесу дзецям.

• І то хлеб (разм.) — і гэта добра.

• Лёгкі хлеб (разм.) — пра лёгкую, бестурботную працу.

• Надзённы хлеб — тое, што патрэбна для жыцця.

• Жыць на ласкавым хлебе (разм.) — жыць на ўтрыманні, з чыёй-н. ласкі.

• Не вялікі хлеб (разм.) — 1) не вельмі добра; 2) невысокая аплата працы, не зусім забяспечаныя ўмовы жыцця.

• Пасадзіць на хлеб і ваду (разм.) — пакараць голадам, абмежаваць у ядзе каго-н.

• Хлеб ды соль (разм.) — прыемнага, добрага апетыту (пажаданне таму, каго засталі за ядой).

• Цяжкі хлеб (разм.) — праца, якая патрабуе вялікіх намаганняў, цяжкая фізічная праца.

|| памянш.-ласк. хлябок, ✂.

|| прым. хлебны, ✂.

хлеба...

Першая частка складаных слоў, якая адпавядае па значэнню словам: хлеб, хлебны, напр. хлебазавод, хлебабулачны, хлебапастаўкі.

хлебабулачны, ✂.

Які мае адносіны да хлебных вырабаў.

• Хлебабулачнае прадпрыемства.

хлебазавод, ✂, м.

Завод з механічнай выпечкай хлеба.

|| прым. хлебазаводскі, ✂.

хлебаздача, ✂, ж.

Планавая здача збожжа дзяржаве калгасамі і саўгасамі, фермерскімі гаспадаркамі.

хлебапастаўкі, ✂.

Планавая здача збожжа дзяржаве.

хлебапёк, ✂, м.

Тое, што і пекар.

хлебапякарны, ✂.

Звязаны з пячэннем хлеба, хлебных вырабаў.

хлебапякарня, ✂, ж.

Тое, што і пякарня.

хлебапячэнне, ✂, н.

Выпечка хлеба.

• Механізаванае х.