Verbum

сярмяга, ✂, ж.

Верхняе адзенне з грубага даматканага сукна.

|| прым. сярмяжны, ✂.

сярністы, ✂.

Які мае ў сабе серу (у 1 знач.).

• Сярністыя мінералы.

сярод, прыназ.

1. У прамежку паміж краямі якой-н. прасторы, пераважна пасярод яе.

   • Палянка с. лесу.

2. У акружэнні каго-, чаго-н. (якіх-н. аднародных прадметаў, з’яў, асоб); паміж кім-, чым-н.

   • Карабель с. ільдоў.

3. Між канцом і пачаткам якога-н. часавага перыяду, у сярэдзіне.

   • Прачнуцца с. ночы.

4. У асяроддзі каго-н., у складзе якога-н. мноства.

   • Агітацыйная работа с. выбаршчыкаў.

сярод... прыстаўка.

Утварае прыметнікі са знач. які знаходзіцца сярод, пасярод чаго-н., у сярэдзіне чаго-н., напр. сяроддзённы, сяродсезонны.

сярпянка, ✂, ж.

Лёгкая баваўняная тканіна вельмі рэдкага пляцення.

|| прым. сярпянкавы, ✂.

сярэбра...

Першая частка складаных слоў са знач. які мае адносіны да серабра (у 1 знач.), напр. сярэбразмяшчальны, сярэбраплавільны, сярэбрасвінцовы.

сярэбранік, ✂, м.

Спецыяліст па серабрэнню.

сярэбраны, ✂.

1. Зроблены з серабра.

   • Сярэбраная лыжка.

2. Які змяшчае серабро.

   • Сярэбраная руда.

3. перан. Колерам або бляскам падобны да серабра.

   • С. іней.

4. Меладычна звонкі, высокага тону.

   • С. голас.
   • С. звон.

◊

• Сярэбранае вяселле — дзень дваццаціпяцігоддзя шлюбнага жыцця.

сярэдзіна, ✂, ж.

1. Сярэдняя частка чаго-н., роўна аддаленая ад краёў або пачатку і канца чаго-н.

   • С. круга.
   • С. дня.
   • У сярэдзіне лета.

2. Паясніца (разм.).

   • Баліць с.

|| памянш. сярэдзінка, ✂.

◊

• Залатая сярэдзіна — пра спосаб дзеяння, пры якім пазбягаюць крайнасцей, рызыкі.

сярэдне...

Першая частка складаных слоў, са знач.:

• 1) сярэдні (у 2 знач.), напр. сярэднеарыфметычны, сярэднестатыстычны;
• 2) які знаходзіцца ў сярэдзіне, сярэдні (у 1 знач.), напр. сярэднебеларускі, сярэднепралётны, сярэднетаежны;
• 3) сярэдні (у 3 знач.), напр. сярэднепаспяваючы, сярэднеўкормлены, сярэднеўспрыімлівы;
• 4) які з’яўляецца сярэднім у жыцці, гісторыі, развіцці чаго-н., напр. сярэдневяковы, сярэднепалеалітычны, сярэднечацвярцічны;
• 5) які мае адносіны да сярэдняй адукацыі, напр. сярэднемедыцынскі, сярэднетэхнічны.