Verbum

сукаратка, ✂, ж.

Скручанае месца ніткі, вяроўкі.

• Нітка пайшла ў сукараткі.

сукаць, ✂; незак.

1. Звіваць некалькі нітак у адну.

   • С. дратву.

2. чым. Перабіраць, матляць нагамі (пра малых дзяцей).

   • Хлопчык суча ножкамі.

|| зак. ссукаць, ✂.

|| наз. суканне, ✂.

|| прым. сукальны, ✂.

• Сукальная машына.

суквецце, ✂, н.

Верхняя частка сцябла з кветкамі, сабранымі ў выглядзе парасоніка, мяцёлкі і пад.

• Простае с.

сукенка, ✂, ж.

Жаночае суцэльнае адзенне, якое апранаецца паверх бялізны.

• Модная с.

сукнавальны, ✂.

Які прызначаны служыць для валення сукнаў.

• Сукнавальная машына.

сукнавальня, ✂, ж.

Майстэрня, дзе валяць сукны.

сукно, ✂, н.

Шарсцяная або паўшарсцяная тканіна з гладкім ворсам.

◊

• Класці (палажыць) пад сукно што (разм. неадабр.) — адкладваць, адцягваць рашэнне якой-н. справы, не даваць ходу чаму-н.

|| прым. суконны, ✂.

• Суконная тканіна.
• Суконная фабрыка.

◊

• Суконная мова (разм. неадабр.) — невыразная, грубая.

суконка, ✂, ж.

Абрэзак сукна або іншай шарсцяной тканіны.

• Пачысціць чаравікі суконкай.

суконшчык, ✂, м.

1. Спецыяліст па вырабу сукнаў.

2. Гандляр сукном або ўладальнік суконнай фабрыкі (уст.).

сукравіца, ✂, ж.

Жаўтаватая вадкасць з дамешкам крыві, якая выдзяляецца з пашкоджаных тканак.

|| прым. сукравічны, ✂.