Verbum

спярша, прысл. (разм.).

Раней, спачатку.

• С. падумай, а потым адказвай.

спярэсціць, ✂; зак.

Зрабіць пярэстым.

• Трэшчыны спярэсцілі сцяну.

|| незак. спярэшчваць, ✂.

спяцоўка, ✂, ж. (разм.).

Спецыяльная вопратка для работы, звычайна ў выглядзе курткі.

• Рабочая с.

спячка, ✂, ж.

У некаторых жывёл (мядзведзяў, барсукоў, кажаноў і інш.): стан паніжанай жыццядзейнасці, падобны на сон.

• Зімняя с.
• Залегчы ў спячку.

|| прым. спячачны, ✂.

спячы, ✂; зак.

1. гл. пячы.

2. Апаліць агнём.

   • С. руку.

3. перан. Зрабіць што-н. хутка, наспех (разм.).

   • С. даклад.

спячыся, ✂; зак.

1. гл. пячыся.

2. Пра кроў: запячыся, засохнуць.

   • На твары спякліся згусткі крыві.

3. Злучыцца ў адно цвёрдае цэлае ў выніку спякання (спец.).

   • Руда спяклася.

4. перан. Пацярпець няўдачу ў чым-н. (разм.).

|| незак. спякацца, ✂.

спяшацца, ✂; незак.

1. Старацца зрабіць што-н., трапіць куды-н. як мага хутчэй.

   • С. з пасадкай дрэў.
   • С. з уборкай ураджаю.
   • С. дагаварыць.
   • Спяшайся, бо спознішся на аўтобус.

2. Пра гадзіннік: паказваць няправільны час.

   • Гадзіннік спяшаецца на 5 хвілін.

|| зак. паспяшацца, ✂.

сродак, ✂, м.

1. Прыём, спосаб дзеяння для дасягнення, ажыццяўлення чаго-н.

   • Усімі сродкамі змагацца за мір на зямлі.

2. Прадмет, сукупнасць прыстасаванняў, неабходных для ажыццяўлення якой-н. мэты.

   • Сродкі вытворчасці.
   • Сродкі сувязі.

3. Тое, што служыць якой-н. мэце, неабходнай для дасягнення чаго-н.

   • Мова — важнейшы с. зносін.

4. Лекі, медыцынскія прэпараты, неабходныя пры лячэнні.

   • Сродкі ад крывянога ціску.
   • С. ад кашлю.

5. мн. Грошы, матэрыяльныя каштоўнасці.

   • Абаротныя сродкі.
   • Чалавек са сродкамі.

срэбра, ✂, н.

Тое, што і серабро.

|| прым. срэбраны, ✂ і срэбны, ✂.

срэбра...

Першая частка складаных слоў са знач.:

• 1) які мае адносіны да серабра (у 1 знач.), напр. срэбраносны, срэбрападобны;
• 2) серабрысты, колеру серабра, напр. срэбралісты.