Verbum

скачок, ✂, м.

1. Хуткае перамяшчэнне цела адштурхоўваннем ад якога-н. пункта апоры.

   • С. зайца.

2. перан. Рэзкае змяненне чаго-н.

   • С. зарплаты.
   • С. узроўню вады.

3. Пераход ад старога якаснага стану да новага ў выніку колькасных змяненняў (кніжн.).

|| прым. скачковы, ✂.

• С. механізм (у кінаапаратуры: які скачкападобна, рыўкамі перамяшчае кінастужку пры змене кадраў).

сквапны, ✂.

1. Прагны да багацця, нажывы, хцівы.

2. Які прагна імкнецца мець што-н. у вялікай колькасці.

   • С. на кнігі.

|| наз. сквапнасць, ✂.

скварка, ✂, ж.

Падсмажаны кавалачак сала.

• Напячы скварак.

скварыцца, ✂; незак.

1. Пячыся на агні; смажыцца.

   • У печы скварыцца свежае сала.

2. Грэцца на сонцы; быць у вельмі гарачым месцы (разм.).

|| зак. саскварыцца, ✂.

скварыць, ✂; незак.

1. Пячы на агні сала.

   • С. свежаніну.

2. перан., і без дапаўнення.

   • Паліць (пра сонца; разм.).
   • Цэлы дзень скварыць сонца.

|| зак. саскварыць, ✂ і заскварыць, ✂.

|| наз. скваранне, ✂.

сквасіць, ✂; зак.

1. Зрабіць што-н. квашаным.

   • С. капусту.
   • С. малако.

2. Разбіць каму-н. твар (разм.).

   • С. нос.

сквер, ✂, м.

Невялікі грамадскі сад у горадзе, у гарадскім пасёлку.

|| памянш. скверык, ✂.

сквірчэць, ✂; незак. (разм.).

Верашчаць, пішчаць, патрэскваць на гарачай скаварадзе (пра сала і пад.).

сквітацца, ✂; зак. (разм.).

1. Разлічыцца, пакончыць разлікі з кім-н.

   • С. з даўгамі.

2. перан. Адплаціць каму-н. паслугай за паслугу або адпомсціць крыўдай за крыўду.

сквітаць, ✂; зак. (разм.).

Разлічыцца з кім-н., аддаць пазычанае.

• С. даўгі (перан.).
• С. лік (у спорце: зрабіць лік аднолькавым).
• С. мяч, шайбу (забіць мяч, шайбу) у адказ.