Verbum

о́птам, прысл.

Пра куплю-продаж тавараў: вялікай колькасцю, вялікімі партыямі.

Закупіць о.

о́птык, -а, мн. -і, -аў, м.

Спецыяліст па оптыцы, аптычнай вытворчасці.

о́птыка, -і, ДМ -тыцы, ж.

1. Раздзел фізікі, які вывучае з’явы і ўласцівасці святла, яго распаўсюджвання і ўзаемадзеяння з рэчывам.

2. зб. Прыборы і інструменты, дзеянне якіх заснавана на законах гэтай навукі.

|| прым. апты́чны, -ая, -ае.

о́птымум, -у, м. (спец.).

Сукупнасць найбольш спрыяльных умоў для каго-, чаго-н.

Тэмпературны о. чалавека.