Verbum

фотатыры́стар

(ад фота- + тырыстар)

магутны тырыстар, перавод якога з аднаго ўстойлівага стану ў другі ажыццяўляецца ў выніку ўздзеяння на яго светлавога струменю.

фотатэадалі́т

(ад фота- + тэадаліт)

геадэзічны інструмент, прызначаны для фотаздымкі мясцовасці з мэтай складання планаў, профіляў.

фотатэ́ка

(ад фота- + -тэка)

сістэматызаваны збор, архіў фатаграфій або фатаграфічных негатываў.

фотатэлегра́ма

(ад фота- + тэлеграма)

тэлеграма, перададзеная фотатэлеграфам.

фотатэлегра́ф

(ад фота- + тэлеграф)

апарат, пры дапамозе якога перадаюць на адлегласць фатаграфіі і іншыя відарысы.

фотатэлегра́фія фотатэлеграфі́я

(ад фота- + тэлеграфія)

сістэма дакументальнай электрычнай сувязі, якая забяспечвае ўзнаўленне на адлегласці нерухомых адлюстраванняў (чарцяжоў, фатаграфій і інш.).

фотатэрапі́я

(ад фота- + тэрапія)

выкарыстанне з лячэбнай мэтай інфрачырвоных, бачных і ультрафіялетавых прамянёў; святлолячэнне.

фотафі́лы

(ад фота- + -філ)

святлалюбныя жывёлы, актыўнасць якіх звязана з пэўнай ступенню асветленасці.

фотафі́льм

(ад фота- + фільм)

фільм, які складаецца з нерухомых кадраў-фатаграфій.

фотафі́ніш

(ад фота- + фініш)

прыбор, які складаецца з секундамераў і кіназдымачнага апарата, прызначаны для дакладнага вызначэння фінішу ўдзельнікаў спартыўных спаборніцтваў.