Verbum

фотако́пія

(ад фота- + копія)

копія дакумента, рукапісу, зробленая фатаграфічным спосабам.

фотаксілагра́фія

(ад фота- + ксілаграфія)

гравюра на дрэве, выкананая шляхам перанясення малюнка на паверхню дошкі фатаграфічным спосабам з далейшым гравіраваннем штрыхоў ад рукі.

фоталабарато́рыя

(ад фота- + лабараторыя)

лабараторыя, дзе робіцца апрацоўка фатаграфічных пласцінак, плёнак, фатаграфій.

фоталінаты́п

(ад фота- + лінатып)

фотанаборная машына, пабудаваная як лінатып, у якой адліўны апарат заменены фатаграфічным устройствам.

фоталітагра́фія

(ад фота- + літаграфія)

літаграфія, заснаваная на выкарыстанні фатаграфіі.

фоталюмінесцэ́нцыя

(ад фота- + люмінесцэнцыя)

люмінесцэнцыя, якая ўзнікае пры асвятленні некаторых рэчываў (гл. флюарэсцэнцыя, фосфарасцэнцыя).

фотаманта́ж

(ад фота- + мантаж)

мантаж фатаграфічных здымкаў, аб’яднаных агульнай тэмай.

фотаме́трыя

(ад фота- + -метрыя)

раздзел фізічнай оптыкі, які займаецца вымярэннем светлавых велічынь (асветленасці, яркасці, сілы святла, светлавога патоку) і энергетычных характарыстык электрамагнітнага вылучэння.

фотамеха́ніка

(ад фота- + механіка)

сукупнасць спосабаў атрымання рэпрадукцый у паліграфіі з дапамогай фатаграфічных і хімічных працэсаў.

фотана́стыя

(ад фота- + настыі)

рух органаў раслін, выкліканы зменай інтэнсіўнасці асвятлення (напр. раскрыванне або закрыванне вяночка кветак).