Verbum

рынаско́п

(ад гр. ihis, -inos = нос + -скоп)

люстра для агляду поласці носа.

рынафі́ма

(ад гр. rhis, -inos = нос + phyma = нараст)

разрастанне сальных залоз і сасудаў кончыка і крылаў носа.

рынг

(англ. ring)

1) абгароджаная канатам пляцоўка для боксу;

2) кароткачасовы дагавор паміж прадпрымальнікамі з мэтай атрымаць прыбытак шляхам скупкі тавару на рынку і наступнай прадажы наступнага продажу яго па больш высокіх цэнах.

рыні́т

(лац. rhinitis, ад гр. rhis, -inos = нос)

запаленне слізістай абалонкі носа; насмарк.

рыніяфі́ты

(н.-лац. rhyniophyta)

аддзел найбольш прымітыўных вышэйшых раслін, вядомых па выкапнёвых рэштках; жылі ў сілуры — дэвоне.

рынк

(англ. rink = каток)

тое, што і скетынг-рынк.

рынк-хаке́й

(англ. rink-hockey)

хакей з мячом на ролікавых каньках.

рынханелі́ды

(н.-лац. rhynchonellida)

атрад замковых брахіяподаў, якія былі пашыраны ў ардовіку.

рынхаспарыёз

(ад рынхаспорый)

хвароба злакавых раслін, якая выклікаецца рынхаспорыем.

рынхаспо́рый

(н.-лац. rhynhosporium)

недасканалы грыб сям. меланконіевых, які развіваецца на лісці, а часам і на зерні злакаў.