Verbum

рызо́п

(н.-лац. rhizopus)

ніжэйшы грыб сям. мукоравых, які развіваецца ў глебе, на раслінных рэштках, экскрэментах жывёл, гародніне і садавіне.

ры́зыка

(польск. ryzyko, ад іт. risico)

дзеянні наўдачу, у надзеі на шчаслівы выпадак.

рыка́рдыя

(н.-лац. riccardia)

пячоначны мох сям. анеўравых, які расце ў лясах на гнілой драўніне, на балоцістай і пясчанай глебах.

рыкашэ́т

(фр. ricochet)

палёт цвёрдага цела пад вуглом пасля ўдару аб якую-н. паверхню.

рыкетсіёзы

(ад рыкетсіі)

група інвазійных хвароб жывёл і чалавека, якія выклікаюцца рыкетсіямі.

рыке́тсіі

[ад англ. C. Ricketts = прозвішча амер. вучонага (1871—1910)]

група дробных унутрыклетачных хваробатворных бактэрый, паразітаў членістаногіх, млекакормячых, птушак.

рыксда́г

(шв. riksdag)

парламент у Швецыі.

ры́кша

[рус. рикша < яп. (dzin) rikisia, ад dzin = чалавек + riki = сіла + sia = вазок]

чалавек, які перавозіць пасажыраў, упрогшыся ў спецыяльную двухколавую каляску.

ры́лі

(ням. Rille = баразна)

вузкія звілістыя далінападобныя паніжэнні рэльефу на Месяцы і Марсе.

ры́мар

(польск. rymarz, ад ням. Riemer)

майстар, які вырабляе раменную вупраж.