Verbum

рыгсда́г

(дацк. rigsdag)

парламент у Даніі ў 1849—1953 гг., які складаўся з дзвюх палат — ландстынга і фолькетынга.

ры́дберг

[шв. J. Rydberg = прозвішча шв. фізіка (1854—1919)]

адзінка энергіі, роўная 13,6 электрон-вольт, якая прымяняецца ў атамнай фізіцы і оптыцы.

рыдва́н

(польск. rydwan, ад ням. Reitwagen)

уст. прасторны крыты воз.

рыдыкю́ль

(ням. Ridikül, ад фр. reticule)

уст. жаночая сумачка.

рызакарпа́н

(н.-лац. rhizocarpan)

накіпны сумчаты лішайнік сям. лецыдзеевых, які трапляецца на валунах, камяністых россыпах.

рызакло́ніум

(н.-лац. rhizoclonium)

ніткаватая зялёная водарасць сям. кладофаравых, якая пашырана ў розных водах і на глебе.

рызактаніёз

(ад рызактонія)

хвароба раслін, якая выклікаецца рызактоніяй.

рызакто́нія

(н.-лац. rhisoctonia)

недасканалы грыб класа дэйтэраміцэтаў, які развіваецца на бульбе, бураках, моркве, памідорах, бабовых раслінах.

рызалі́т

(ням. Rysalit, ад іт. risalita)

частка будынка, якая выступае за лінію цэнтральнай восі фасада.

рызамо́рфы

(ад гр. rhiza = корань + -морфы)

доўгія шнурападобныя спляценні грыбных ніцей у некаторых грыбоў, якія служаць для правядзення вады і пажыўных рэчываў ад грыбніцы ў пладовыя целы.