Verbum

міліва́т

(ад мілі- + ват)

адзінка магутнасці электрычнага току, роўная тысячнай долі вата.

міліво́льт

(ад мілі- + вольт)

адзінка напружання электрычнага току, роўная тысячнай долі вольта.

мілігра́м

(ад мілі- + грам)

мера вагі, роўная тысячнай долі грама.

мілікюры́

(ад мілі- + кюры)

адзінка радыеактыўнасці, роўная 0,001 кюры.

міліме́тр

(ад мілі- + метр)

мера даўжыні, роўная тысячнай частцы метра.

мілімікро́н

(ад мілі- + мікрон)

адзінка вымярэння даўжыні, роўная тысячнай долі мікрона.

мілітарызава́ць

(ад лац. militaris = ваенны)

праводзіць мілітарызацыю.

мілітарыза́цыя

(фр. militarisation, ад лац. militaris = ваенны)

падпарадкаванне эканомікі, палітыкі і грамадскага жыцця якой-н. дзяржавы мэтам падрыхтоўкі захопніцкіх войнаў.

мілітары́зм

(фр. militarisme, ад лац. militaris = ваенны)

палітыка нарошчвання ваеннай магутнасці якой-н. дзяржавы, што праводзіцца з мэтай падрыхтоўкі захопніцкіх войнаў.

мілітары́ст

(ад мілітарызм)

той, хто праводзіць палітыку мілітарызму.