Verbum

ваен...

Першая састаўная частка складаных слоў, якая адпавядае па значэнню слову «ваенны», напрыклад: ваентэхнік, ваенурач, ваенком.

ваенізава́ны, ‑ая, ‑ае.

Дзеепрым. зал. пр. ад ваенізаваць.

ваенізава́цца, ‑зуецца; зак. і незак.

1. Прыстасавацца (прыстасоўвацца) да ваенных умоў; перайсці (пераходзіць) на абслугоўванне ваенных патрэб.

2. толькі незак. Зал. да ваенізаваць.

ваенізава́ць, ‑зую, ‑зуеш, ‑зуе; зак. і незак.

Прыстасаваць (прыстасоўваць) да ваенных умоў; перавесці (пераводзіць) на абслугоўванне ваенных патрэб. // Абучыць (абучаць) ваеннай справе цывільнае насельніцтва.

ваеніза́цыя, ‑і, ж.

Дзеянне паводле знач. дзеясл. ваенізаваць і стан паводле знач. дзеясл. ваенізавацца.

ваенкама́т, ‑а, М ‑маце, м.

Ваенны камісарыят.

ваенкама́цкі, ‑ая, ‑ае.

Які мае адносіны да ваенкамата.

ваенко́м, ‑а, м.

Ваенны камісар.

ваенко́р, ‑а, м.

Ваенны карэспандэнт.

ваенна... і ваенна-...

Першая састаўная частка складаных слоў, якая азначае: мае адносіны да вайны, ваенных умоў, ваеннай справы, службы, напрыклад: ваеннаабавязаны, ваенна-паветраны, ваенна-стратэгічны, ваенна-палітычны, ваенна-санітарны.