Verbum

шасцікра́тны, ‑ая, ‑ае.

Зроблены шэсць разоў, павялічаны ў шэсць разоў; памножаны на шэсць. У шасцікратным памеры.

шасціку́пальны, ‑ая, ‑ае.

З шасцю купаламі. Шасцікупальная царква.

шасціліне́йны, ‑ая, ‑ае.

1. Калібрам у шэсць ліній (у 9 знач.). Шасцілінейная вінтоўка.

2. Дыяметрам у шэсць ліній (у 9 знач.) (пра шкло ў газавай лямпе). Шасцілінейнае шкло. // Які мае шкло такога памеру. У глыбокай зямлянцы, недзе пад густым ельнікам, пры скупым святле маленькай шасцілінейнай лямпы ніклі над сталом тры галавы. Асіпенка.

шасціме́сячны, ‑ая, ‑ае.

1. Які працягваецца шэсць месяцаў. Шасцімесячныя курсы. // Разлічаны на шэсць месяцаў. Жанчына ішла, горда ўскінуўшы галаву, валасы ў яе былі ў дробных кудзерках — шасцімесячная завіўка. Арабей.

2. Узростам у шэсць месяцаў. Шасцімесячнае дзіця.

3. Які належыць за шэсць месяцаў. Шасцімесячны аклад.

шасціпавярхо́вы, ‑ая, ‑ае.

Вышынёй у шэсць паверхаў. Шасціпавярховы дом.

шасціпа́льцы, ‑ая, ‑ае.

З шасцю пальцамі. Шасціпальцая лапа.

шасціпо́лле, ‑я, н.

Сістэма севазвароту з падзелам ворнай зямлі на шэсць палёў, кожнае з якіх засяваецца па чарзе рознымі культурамі.

шасціпо́льны, ‑ая, ‑ае.

Звязаны з шасціполлем, заснаваны на шасціполлі. Шасціпольны севазварот.

шасціразо́вы, ‑ая, ‑ае.

Павялічаны ў шэсць разоў; памножаны на шэсць. // Які адбываецца ў шэсць прыёмаў.

шасціскладо́вы, ‑ая, ‑ае.

Які ў сваёй будове мае шэсць складоў. Шасціскладовае слова.