Verbum

цемрашал, ✂, м.

Носьбіт рэакцыйнай, варожай прагрэсу і культуры ідэалогіі, рэакцыянер.

|| прым. цемрашальскі, ✂.

цемрашальства, ✂, н.

Погляды і паводзіны цемрашалаў, варожасць да прагрэсу і культуры.

цемя, ✂, н.

Верхняя частка галавы, а таксама верх чэрапа паміж лобнымі, патылічнымі і скроневымі касцямі.

|| памянш. цемечка, ✂.

|| прым. цемянны, ✂.

цене...

Першая частка складаных слоў са знач. які мае адносіны да ценю (у 1 знач.), напр. ценелюбівы.

ценелюбівы, ✂.

Які любіць расці ў цяні.

• Ценелюбівыя расліны.

|| наз. ценелюбівасць, ✂.

цень, ✂, м.

1. Месца, заслоненае чым-н. ад сонца.

   • Пад дрэвамі быў ц.

2. Невыразныя абрысы фігуры, сілуэт.

   • У акне прамільгнуў нечы ц.

3. перан. Адбітак на твары ўнутранага стану чалавека.

   • Па твары прамільгнуў ц. страху.

4. перан. Здань, дух.

   • Цені мінулага.
   • Цені продкаў.

5. перан., чаго. Нязначная, вельмі малая колькасць, доля.

   • І ценю праўды тут няма.

6. Пра каго-н. вельмі аслабленага, худога.

   • Не чалавек, а ц.

◊

• Кідаць цень на каго-што (разм.) — выклікаць падазрэнне да каго-н.

• Як цень (разм.) — неадчэпна (хадзіць за кім-н.).

|| прым. ценявы, ✂.

ценя...

Першая частка складаных слоў; ужыв. замест «цене...», калі націск у другой частцы слова падае на першы склад, напр. ценялюб (ценелюбівая расліна), ценялюбны.

ценявік, ✂, м. (разм.).

Дзялок ценявой эканомікі.

ценявы, ✂.

1. гл. цень.

2. Які знаходзіцца ў цяні, слаба асветлены.

   • Ц. бок вуліцы.

3. перан. Адмоўны, неспрыяльны, непажаданы.

   • Ц. бок справы.

○

• Ценявая эканоміка — гаспадарча-эканамічная нелегальная дзейнасць або дзейнасць, якая не ўлічваецца, з мэтай незаконнага атрымання даходаў.

• Ценявы кабінет — група ўплывовых парламентарыяў, якая мае сваю праграму дзейнасці і прэтэндуе ў выпадку перамогі іх партыі на стварэнне новага ўрада.

цепла...

Першая частка складаных слоў у знач. цеплавы, напр. цепластанцыя, цеплатраса, цеплаўстойлівасць, цеплаізаляцыя.