Verbum

хім...

Першая частка складаных слоў са знач. які мае адносіны да хіміі, хімічны, напр. хімапаратура, хімвалакно, хімзавод, хімкамбінат, хімсыравіна.

хімера, ✂, ж.

1. Неажыццявімая, нязбытная і дзіўная мара (кніжн.).

2. Скульптура фантастычнай пачвары (напалову леў, напалову каза).

|| прым. хімерычны, ✂.

хімерычны, ✂.

1. гл. хімера.

2. Фантастычны, нязбытны, няздзейсны (кніжн.).

   • Хімерычная ідэя.

|| наз. хімерычнасць, ✂.

хімізаваць, ✂; зак. і незак.

Укараніць (укараняць) дасягненні хіміі і хімічных метадаў апрацоўкі рэчываў у тэхніцы, прамысловасці і сельскай гаспадарцы.

|| наз. хімізацыя, ✂.

хімік, ✂, м.

Спецыяліст у галіне хіміі, а таксама работнік хімічнай прамысловасці.

хімікаліі, ✂.

Хімічныя прэпараты, вырабы.

хімікат, ✂, м.

Хімічны прэпарат, выраб.

хімічны, ✂.

1. гл. хімія.

2. Які мае адносіны да з’яў, што вывучаюцца хіміяй.

   • Хімічная рэакцыя.
   • Хімічныя элементы.

3. Звязаны з прымяненнем метадаў хіміі ў вытворчасці, у розных галінах гаспадаркі, а таксама атрыманы пры дапамозе метадаў і сродкаў хіміі.

   • Хімічная апрацоўка глебы.
   • Хімічныя ўгнаенні.

4. Звязаны з прымяненнем прадуктаў хіміі ў ваенных мэтах.

   • Хімічная зброя.

◊

• Хімічны карандаш — карандаш з асобым графітам, які пры змочванні піша як чарніла.

хімія, ✂, ж.

1. Навука аб саставе, будове, уласцівасцях рэчываў і іх узаемных ператварэннях.

   • Неарганічная х.
   • Фізічная х.

2. Якасны, хімічны састаў чаго-н.

   • Х. крыві.
   • Х. нафты.

|| прым. хімічны, ✂.

хімія...

Першая частка складаных слоў са знач. які мае адносіны да хіміі, напр. хіміявакцына, хіміяпрамянёвы, хіміяпрэпараты, хіміясінтэз, хіміятэрапеўтычны, хіміятэрапія.