Verbum

палуда, ✂, ж.

Тонкі слой волава, якім пакрываюць паверхню металічных вырабаў для засцярогі ад іржы, акіслення.

палуднаваць, ✂; незак.

Тое, што і абедаць.

|| зак. папалуднаваць, ✂.

палукаш, ✂, м.

Плецены кораб, які ўстаўляецца ў драбіны воза або сані.

палукашак, ✂, м.

Тое, што і палукаш.

палундра, выкл.

Вокрык, які перасцерагае аб небяспецы (першапачаткова ў маракоў і пажарных: папярэджанне аб небяспецы, якая зыходзіць ад прадмета, што падае зверху).

палутарка, ✂, ж. (разм.).

Грузавая машына грузападымальнасцю 1,5 тоны.

палучка, ✂, ж. (разм.).

Атрыманыя за работу грошы, заработная плата.

• Месячная п.

палымнець, ✂; незак.

1. Ярка гарэць, палаць; знішчацца ў агні.

   • Хаты палымнелі ў агні.

2. Набываць колер полымя; вылучацца колерам полымя, яркай чырвонай афарбоўкай.

   • На ўсходзе палымнела зара.
   • Палымнее чырвоная рабіна (перан.).

3. Пакрывацца румянцам.

   • Палымнее твар.

4. перан. Быць ахопленым якім-н. моцным пачуццём.

   • П. сэрцам.
   • Палымнее агонь помсты.

палымяны, ✂.

1. Які мае ярка-чырвоны колер, колер полымя.

   • П. захад.

2. перан. Вельмі палкі, страсны, моцны (высок.).

   • П. патрыёт.
   • Палымяная прамова.

|| наз. палымянасць, ✂.

палын, ✂, м.

Эфіраносная расліна з дробнымі кветачкамі, з моцным пахам і горкім смакам.

|| прым. палыновы, ✂.

• П. пах.
• Палыновая настойка.