Verbum

падслужы́цца, -ужу́ся, -у́жышся, -у́жыцца; зак., да каго (разм.).

Ліслівай паслужлівасцю дабіцца чыёй-н. прыхільнасці.

|| незак. падслу́жвацца, -аюся, -аешся, -аецца.

падслу́хаць, -аю, -аеш, -ае; -аны; зак., каго-што.

Употай прыслухоўваючыся, пачуць сказанае другому.

П. сакрэт.

|| незак. падслу́хваць, -аю, -аеш, -ае і падслухо́ўваць, -аю, -аеш, -ае; наз. падслу́хванне, -я, н. і падслухо́ўванне, -я, н.

падсма́жыцца, 1 і 2 ас. не ўжыв., -ыцца; зак.

Смажачыся, стаць гатовым або абсмажыцца з паверхні.

Сала падсмажылася.

|| незак. падсма́жвацца, -аецца.

падсма́жыць, -жу, -жыш, -жыць; -сма́ж; -жаны; зак., што і чаго.

Прыгатаваць для яды смажаннем або абсмажыць зверху.

П. грыбоў.

|| незак. падсма́жваць, -аю, -аеш, -ае.

|| наз. падсма́жванне, -я, н.

падсмалі́ць¹, -малю́, -мо́ліш, -мо́ліць; -мо́лены; зак., што.

Заліць растопленай смалой.

П. лодку.

|| незак. падсмо́льваць, -аю, -аеш, -ае.

падсмалі́ць², -алю́, -а́ліш, -а́ліць; -а́лены; зак., што.

Злёгку або дадаткова абпаліць агнём.

П. валасы.

|| незак. падсма́льваць, -аю, -аеш, -ае.

падсме́йвацца, -аюся, -аешся, -аецца; незак., з каго-чаго.

Смеючыся, жартаваць з каго-, чаго-н.

П. з дзівака.

падсне́жнік, -а, мн. -і, -аў, м.

Травяністая расліна, якая цвіце белымі або блакітнымі кветкамі адразу пасля раставання снегу.

падсне́жны, -ая, -ае.

Які знаходзіцца пад снегам, узяты з-пад снегу.

Падснежныя воды.

падсо́бка, -і, ДМ -бцы, мн. -і, -бак, ж. (разм.).

Падсобнае памяшканне.