Verbum

падрадко́ўнік, -а, мн. -і, -аў, м.

Падрадковы, літаральны пераклад якога-н. тэксту.

Перакладаць вершы па падрадкоўніку.

падра́дчык, -а, мн. -і, -аў, м.

Арганізацыя (або, раней, асобны чалавек), якая займаецца работамі па падрадах¹.

|| прым. падра́дчыцкі, -ая, -ае.

падраза́нне гл. падрэзаць.

падраза́ць гл. падрэзаць.

падраздзе́л, -а, мн. -ы, -аў, м.

Частка раздзела.

падраздзяле́нне, -я, мн. -і, -яў, м.

1. гл. падраздзяліць.

2. Вайсковая адзінка ў складзе большай вайсковай часці.

Стралковае п.

падраздзялі́ць, -дзялю́, -дзе́ліш, -дзе́ліць; -дзе́лены; зак., каго-што.

Раздзяліць на драбнейшыя часткі, разрады.

П. літаратуру на перыяды.

|| незак. падраздзяля́ць, -я́ю, -я́еш, -я́е.

|| наз. падраздзяле́нне, -я, н.

падраздзяля́цца, 1 і 2 ас. адз. не ўжыв., -я́ецца; незак.

Дзяліцца, распадацца на драбнейшыя часткі, разрады.

Рота падраздзяляецца на ўзводы.

падразумява́цца, 1 і 2 ас. не ўжыв., -а́ецца; незак.

Мецца на ўвазе, застаючыся нявыказаным.

Гэта рашэнне само сабою падразумяваецца.

падразумява́ць, -а́ю, -а́еш, -а́е; незак., каго-што.

Мець на ўвазе, дапускаць у думках, не выказваючы.

Што вы пад гэтым падразумяваеце?