Verbum

ме́трыка¹, -і, ДМ -рыцы, ж.

Вучэнне аб вершаскладанні і вершаваных памерах, а таксама сукупнасць вершаваных памераў.

|| прым. метры́чны, -ая, -ае.

ме́трыка², -і, ДМ -рыцы, ж.

Выпіска з метрычнай кнігі аб даце нараджэння.

метры́чны¹, -ая, -ае.

У выразе: метрычная сістэма — агульная назва міжнароднай дзесятковай сістэмы адзінак, у аснову якой пакладзены метр і кілаграм.

метры́чны², -ая, -ае.

Які звязаны з запісамі актаў нараджэння, заключэння шлюбу, смерці.

Метрычнае пасведчанне.

Метрычная кніга.

метры́чны³ гл. метрыка¹.

ме́тчык, -а, мн. -і, -аў, м.

1. Інструмент, якім робяць меткі, знакі.

2. Той, хто ставіць меткі, знакі на чым-н.

меты́л, -у, м.

Вугляродная група, якая ўваходзіць у склад многіх арганічных злучэнняў.

|| прым. меты́лавы, -ая, -ае.

М. спірт.

меты́с, -а, мн. -ы, -аў, м.

Нашчадак ад шлюбу людзей розных рас¹.

|| ж. меты́ска, -і, ДМ -ты́сцы, мн. -і, -сак.

|| прым. меты́сны, -ая, -ае.

метэа...

Першая састаўная частка складаных слоў са знач. метэаралагічны, напр.: метэастанцыя, метэацэнтр, метэаслужба, метэазводка, метэаназіранні, метэаўмовы.

метэарало́гія, -і, ж.

Навука аб зямной атмасферы, яе будове, уласцівасцях і працэсах, што адбываюцца ў ёй.

|| прым. метэаралагі́чны, -ая, -ае.

Метэаралагічная зводка.