Verbum

міжго́рны, ‑ая, ‑ае.

Які мае адносіны да міжгор’я. Міжгорная даліна.

міждзяржа́ўны, ‑ая, ‑ае.

Які мае адносіны да дзвюх або некалькіх дзяржаў; які ажыццяўляецца, адбываецца паміж дзяржавамі. Міждзяржаўныя адносіны.

міжжа́берны, ‑ая, ‑ае.

Спец. Які знаходзіцца, размешчаны паміж жабрамі. Міжжаберныя перагародкі.

міжзавадскі́, ‑ая, ‑ое.

1. Які мае адносіны да рада заводаў, агульны для некалькіх заводаў.

2. Які адбываецца паміж заводамі. Міжзавадская спартакіяда.

міжзана́льны, ‑ая, ‑ае.

1. Які мае адносіны да рада зон, агульны для некалькіх зон.

2. Які адбываецца паміж прадстаўнікамі зон. Міжзанальны шахматны турнір.

міжзо́р’е, ‑я, н.

Прастора паміж зоркамі.

міжзо́ркавы, ‑ая, ‑ае.

Які знаходзіцца, размешчаны паміж зоркамі. Міжзоркавая прастора.

міжзо́рны, ‑ая, ‑ае.

Які знаходзіцца, размешчаны паміж зоркамі. Міжзорная прастора.

міжзу́бны, ‑ая, ‑ае.

Спец. Пра гукі мовы, пры вымаўленні якіх кончык языка знаходзіцца паміж верхнімі і ніжнімі зубамі.

міжкалга́сны, ‑ая, ‑ае.

1. Які існуе, адбываецца паміж калгасамі. Міжкалгасны абмен насеннем.

2. Агульны для некалькіх калгасаў. Міжкалгасная будаўнічая арганізацыя.