Verbum

іск, ✂, м.

Зварот ў суд з патрабаваннем аб абароне грамадзянскіх правоў.

• Прад’явіць і.

|| прым. іскавы, ✂.

• Іскавая заява.

іскра, ✂, ж.

1. Маленькая часцінка распаленага або палаючага рэчыва.

   • Электрычная і. (род электрычнага разраду).

2. Яркі зіхатлівы водбліск, бліскучая кропка.

   • Іскры снегу.

3. перан., чаго. Пачатак, пробліск, праяўленне якога-н. пачуцця, думкі, таленту.

   • Іскры надзеі.

◊

• Аж іскры з вачэй пасыпаліся (разм.) — пра замарачэнне ад болю ў выніку моцнага ўдару па галаве.

|| памянш. іскарка, ✂.

|| прым. іскравы, ✂.

іскрамётны, ✂ (кніжн.).

1. Які кідае іскры, іскрысты.

   • І. агонь.

2. перан. Яркі, агністы.

   • І. позірк.

|| наз. іскрамётнасць, ✂.

іскрысты, ✂.

Які ззяе, зіхаціць іскрамі; які вылучае іскры.

• І. снег.
• Іскрыстае віно.

|| наз. іскрыстасць, ✂.

іскрыцца, ✂; незак.

Ззяць, зіхацець, пералівацца іскрамі.

• Снег іскрыцца.
• Усмешка іскрыцца (перан.).

іскрыць, ✂; незак.

Даваць іскры пры недастаткова поўным кантакце.

• Рубільнік і.

|| наз. іскрэнне, ✂.

іслам, ✂, м.

Магаметанства, мусульманская рэлігія.

|| прым. ісламскі, ✂.

ісламазнаўства, ✂, н.

Сукупнасць навук, якія вывучаюць іслам.

ісландцы, ✂, м.

Народ германскай моўнай групы, які складае асноўнае насельніцтва Ісландыі.

|| ж. ісландка, ✂.

|| прым. ісландскі, ✂.

існаванне, ✂, н.

1. гл. існаваць.

2. Жыццё, спосаб жыцця.

   • Сродкі на і.