Verbum

пярэбары, ✂, н. (разм.).

Пераезд, перасяленне.

• П. на новае месца.

пярэварацень, ✂, м.

Паводле паданняў — чалавек, здольны ператварацца ў каго-, што-н. пры дапамозе чараў.

пярэдадзень, ✂, м.

Час, які папярэднічае якой-н. даце, падзеі, з’яве.

• П. Новага года.

пярэдадне, ✂, н.

Тое, што і пярэдадзень.

пярэдне...

Першая частка складаных прыметнікаў у знач. пярэдні, напр. пярэднепаднябенны, пярэднеязычны.

пярэдні, ✂.

Звернуты ўперад, які знаходзіцца наперадзе.

• Пярэднія лапы.
• П. край абароны.

пярэдняя, ✂, ж.

Нежылое, першае ад уваходу памяшканне ў кватэры, прыхожая.

пярэзімак, ✂, м. (разм.).

Свойская жывёліна мінулагодняга прыплоду (звычайна пра цялят, жарабят).

пярэстатканы, ✂.

Вытканы з пражы рознага колеру для асновы і ўтку.

• Пярэстатканая посцілка.

пярэсты, ✂.

1. Які складаецца з рознакаляровых плям, палос, рознакаляровы.

   • Пярэстая тканіна.

2. перан. Неаднародны, з розных элементаў.

   • П. склад слухачоў.

3. З вялікімі плямамі, крапінамі (пра масць коней).

   • П. конь.

|| наз. пярэстасць, ✂.