Verbum

праслужыць, ✂; зак.

Прабыць які-н. час служачы, у дзеянні, карыстанні.

• П. пятнаццаць гадоў.
• Боты праслужылі тры сезоны.

праслухаць, ✂; зак.

1. гл. слухаць.

2. Выслухаць ад пачатку да канца.

   • П. оперу.
   • П. курс лекцый.

3. Вызначыць на слых стан чаго-н. (спец.).

   • П. лёгкія.

4. Слухаючы, не ўспрыняць, не пачуць (разм.).

   • Баяцца, каб не п. галоўнае.

5. Выведаць па чутках, размовах.

   • П. аб прыездзе артыстаў.

6. Правесці які-н. час слухаючы.

|| незак. праслухваць, ✂ і праслухоўваць, ✂.

|| наз. праслухванне, ✂ і праслухоўванне, ✂.

праслязіцца, ✂; зак.

Заплакаць ад прыліву пачуццяў.

• П. пры развітанні.

прасмажыцца, ✂; зак.

У выніку смажання прыйсці ў стан поўнай гатоўнасці.

• Мяса прасмажылася.

|| незак. прасмажвацца, ✂.

прасмажыць, ✂; зак.

1. Смажачы, давесці да поўнай гатоўнасці.

   • П. грыбы.

2. Правесці які-н. час, смажачы што-н.

   • Цэлую гадзіну пра-смажыла бульбу.

|| незак. прасмажваць, ✂.

прасмаліць​¹, ✂; зак.

Пакрыць, насыціць смалой.

• П. лодку.

|| незак. прасмольваць, ✂.

прасмаліць​², ✂; зак. (разм.).

1. Прапаліць чым-н. наскрозь.

   • П. папяросай кашулю.

2. Ачысціць агнём.

   • П. комін.

3. Некаторы час пракурыць (разм.).

   • Прасмаліў цэлую гадзіну.

|| незак. прасмальваць, ✂.

прасмярдзелы, ✂ (разм.).

Насычаны непрыемным пахам.

• П. бензінам гараж.

прасмярдзець, ✂; зак. (разм.).

Насыціцца непрыемным пахам, стаць смярдзючым.

• Адзенне прасмярдзела дымам.

праснак, ✂, м.

Тоўсты блін з прэснага цеста.