Verbum

прама...

Першая частка складаных слоў са знач.:

• 1) з прамым (у 1 знач.), напр. прамабортны, прамадзюбы, прамазубы, прамакрылы;
• 2) прамы (у 1 знач.), напр. прамаезджы, прамаідучы, праманакіраваны, прамарослы.

прамавугольнік, ✂, м.

Прамавугольны чатырохвугольнік.

прамавугольны, ✂.

Які мае прамы вугал ці прамыя вуглы.

прамазаць, ✂; зак.

Змазаць, намазаць усюды, старанна.

• П. усе часткі машыны.

|| незак. прамазваць, ✂.

прамакальны, ✂:

• прамакальная папера — папера, якая ўбірае ў сябе вільгаць і ўжыв. для высушвання напісанага чарнілам.

прамакатка, ✂, ж. (разм.).

Прамакальная папера.

прамакаць, ✂; незак.

1. гл. прамокнуць.

2. Прапускаць цераз сябе вільгаць, сырасць.

   • Прарызінены плашч не прамакае.

прамакнуць, ✂; зак.

Высушыць (напісанае чарнілам) спецыяльнай мяккай паперай, якая лёгка ўбірае ў сябе вільгаць.

|| незак. прамакаць, ✂.

|| наз. прамаканне, ✂.

прамалінейны, ✂.

1. Які размешчаны, ідзе па прамой лініі.

   • П. рух.

2. перан. Шчыры і прамы, але пазбаўлены неабходнай гібкасці, аднабаковы.

   • П. чалавек.
   • П. адказ.
   • Дзейнічаць прамалінейна (прысл.).

|| наз. прамалінейнасць, ✂.

прамаргаць, ✂; зак. (разм.).

Празяваць, упусціць.

• П. выгадны выпадак.