Verbum

перасячы, ✂ і перасекчы, ✂; зак.

1. Рассячы папалам, на часткі.

   • П. жэрдку.
   • Бізуном бервяна не перасячэш (прыказка).

2. Перайсці, пераехаць што-н. упоперак.

   • П. вуліцу.
   • П. экватар.

3. Прайсці па паверхні чаго-н. ад аднаго канца да другога.

   • Чыгунка перасячэ нашу вобласць.
   • Поле перасечана ярам.

4. перан. Перагарадзіць каму-, чаму-н. (дарогу, шлях і пад.).

   • Атрад перасек шлях непрыяцелю.

|| незак. перасякаць, ✂.

перасячэнне, ✂, н.

Месца, дзе перасякаецца што-н.

• Пункт перасячэння прамых ліній.

ператаміцца, ✂; зак.

Вельмі ўтаміцца.

|| незак. ператамляцца, ✂.

|| наз. ператамленне, ✂.

ператаміць, ✂; зак.

Вельмі ўтаміць.

• П. каня.

|| незак. ператамляць, ✂.

ператапіць​¹, ✂; зак.

1. Апрацаваць тапленнем.

   • П. сала.

2. Празмерна адтапіць моцным награваннем (пра кіслае малако).

|| незак. ператопліваць, ✂ і ператапляць, ✂.

|| наз. ператопліванне, ✂ і ператопка, ✂.

ператапіць​², ✂; зак.

Утапіць усё, многае або ўсіх, многіх.

• П. кацянят.

ператасаваць, ✂; зак.

1. Тасуючы, перамяшаць або стасаваць яшчэ раз.

   • П. карты.

2. перан. Перамяшаць, размясціць іначай (разм.).

   • П. паперы на стале.

|| незак. ператасоўваць, ✂.

|| наз. ператасоўванне, ✂ і ператасоўка, ✂.

ператваральнік, ✂, м.

1. Тое, што і пераўтваральнік.

2. У некаторых складаных назвах — прыбор для ператварэння электрычнай энергіі.

   • П. току.

ператварыцца, ✂; зак.

1. Перайсці ў другі стан, набыць іншы выгляд, стаць чым-н. іншым.

   • Возера ператварылася ў балота.

2. Ажыццявіцца, набыць значэнне рэчаіснасці (высок.).

   • Планы ператварыліся ў рэальнасць.

3. У казках, паданнях і пад.: змяніць свой выгляд, перавярнуцца ў каго-, што-н. пры дапамозе чараў.

|| незак. ператварацца, ✂.

|| наз. ператварэнне, ✂.

ператварыць, ✂; зак.

1. каго-што ў каго-што. Перавесці ў другі стан, надаць іншы выгляд, змяніць якім-н. чынам.

   • П. ваду ў пару.
   • П. справу ў забаўку.

2. што ў што. Ажыццявіць на справе, увасобіць у чым-н. пэўным, канкрэтным.

   • П. мары ў жыццё.

3. каго-што ў каго-што. У казках, паданнях і пад.: перавярнуцца ў каго-, што-н. пры дапамозе чараў.

   • Чараўніца ператварыла чалавека ў дрэва.

|| незак. ператвараць, ✂.

|| наз. ператварэнне, ✂.