Verbum

перасартаваць, ✂; зак.

1. Рассартаваць нанава, іначай.

   • П. яблыкі.

2. Рассартаваць усё, многае.

   • П. усё насенне.

|| незак. перасартоўваць, ✂.

|| наз. перасартоўванне, ✂.

перасварыцца, ✂; зак.

Пасварыцца паміж сабою або з усімі, многімі.

• Суседзі перасварыліся.

перасварыць, ✂; зак.

Пасварыць многіх, каго-н. з кім-н.

• П. даўніх сяброў.

пераседзець, ✂; зак.

1. Прасядзець дзе-н. больш, чым трэба.

   • Пераседзеў на тыдзень даўжэй у камандзіроўцы.

2. Сапсавацца ад доўгага сядзення (пра хлеб у печы).

   • Хлеб пераседзеў і адпёкся.

|| незак. пераседжваць, ✂.

перасесці, ✂; зак.

1. Устаўшы з аднаго месца, сесці на другое.

   • П. на канапу.

2. Зрабіць перасадку (у 2 знач.).

   • П. на цеплаход.

3. Засесці (у горле і пад.).

   • Бульба перасела ў горле.

|| незак. перасаджвацца, ✂ і перасядаць, ✂.

перасечаны, ✂.

Няроўны, з узгоркамі і ярамі.

• Перасечаная мясцовасць.

|| наз. перасечанасць, ✂.

перасіліцца, ✂; зак.

Празмерна напружваючы сілы, надарваць сябе.

• Перасіліўся, падымаючы мех.

|| незак. перасільвацца, ✂.

перасіліць, ✂; зак.

1. Перамагчы, пераадолець.

   • П. праціўніка і паваліць.
   • Плыўцы перасілілі цячэнне.

2. перан. Пераадолець якое-н. пачуццё, адчуванне, жаданне і пад.

   • П. страх.
   • П. сябе.

3. Змучыць, надарваць, прымушаючы празмерна напружвацца.

   • П. каня.

|| незак. перасільваць, ✂.

пераскварыць, ✂; зак.

1. Доўга скварачы, зрабіць жорсткім, сухім, не такім, як трэба.

   • П. сала.

2. Саскварыць усё, многае.

   • П. усё сала.

|| незак. пераскварваць, ✂.

пераскочыць, ✂; зак.

1. што і цераз што. Зрабіўшы скачок, апынуцца на іншым баку ад чаго-н.

   • П. канаву.
   • П. цераз плот.

2. Перамясціцца скачком (скачкамі) на другое месца.

   • П. ад акна да дзвярэй.

3. перан., на што. Перайсці ад аднаго прадмета гутаркі да другога, не захоўваючы паслядоўнасці (разм.).

   • П. на іншую тэму.

|| незак. пераскакваць, ✂ і пераскокваць, ✂.

|| аднакр. пераскокнуць, ✂.