Verbum

перавысіць, ✂; зак.

1. Быць большым па колькасці, памеру, вазе і пад.

   • Вага спартсмена перавысіла 100 кг.

2. Перавыканаць норму, план і пад.

   • П. норму выпрацоўкі.

3. Выйсці за межы дазволенага.

   • П. свае паўнамоцтвы.
   • П. хуткасць руху.

4. Аказацца лепш за каго-, што-н. у якіх-н. адносінах.

   • П. усіх сваёй спрытнасцю.

|| незак. перавышаць, ✂.

|| наз. перавышэнне, ✂.

• План выкананы з перавышэннем.
• П. ўлады.

перавытворчасць, ✂, ж. (спец.).

Вытворчасць, якая перавышае магчымасці збыту.

• П. тавараў.

перавыхаваць, ✂; зак.

Выхаваннем прывіць каму-н. новыя звычкі, погляды, нормы паводзін і пад.

• П. недысцыплінаванага вучня.

|| незак. перавыхоўваць, ✂.

|| звар. перавыхавацца, ✂.

|| незак. перавыхоўвацца, ✂.

|| наз. перавыхаванне, ✂.

перавязаць, ✂; зак.

1. Налажыць павязку на каго-, што-н.

   • П. раненага.
   • П. рану.

2. Абвязаць з усіх бакоў, крыж-накрыж.

   • П. пасылку шпагатам.

3. Развязаўшы, завязаць іначай.

   • П. хустку.

4. каго-што. Звязаць, павязаць усё, многае або усіх, многіх.

   • П. усе рэчы.

5. Навязаць на новым месцы.

   • П. цяля.

|| незак. перавязваць, ✂.

|| наз. перавязка, ✂ і перавязванне, ✂.

перавязачная, ✂, ж.

У медыцынскай установе: спецыяльнае памяшканне для перавязак.

перавязачны, ✂.

Прызначаны для перавязкі, для аказання лячэбнай дапамогі.

• П. пункт.
• Перавязачныя сродкі.

перавязь, ✂, ж.

Павязка цераз плячо для падтрымання пашкоджанай рукі.

• Падвесіць хворую руку на п.

перавялічыць, ✂; зак.

Надаць чаму-н. празмернае значэнне.

• П. заслугі, цяжкасці.

|| незак. перавялічваць, ✂.

|| наз. перавелічэнне, ✂.

перавярнуцца, ✂; зак.

1. Павярнуцца з аднаго боку на другі, павярнуцца процілеглым бокам.

   • Лодка перавярнулася (перакулілася).

2. Прайсці, перабыць.

   • Колькі тут народу перавярнулася!

3. у каго-што, перан. Ператварыцца ў каго-, што-н., прыняць іншы выгляд.

   • Былі рублі, ды перавярнуліся ў вераб’і (прымаўка).
   • Хлопчык перавярнуўся ў казляня (у казцы).

4. перан. Рэзка змяніцца, перамяніцца.

   • У яго жыцці ўсё перавярнулася.

|| незак. пераварочвацца, ✂.

перавярнуць, ✂; зак.

1. Павярнуць процілеглым бокам, павярнуць з аднаго боку на другі.

   • П. хворага на другі бок.
   • П. уверх дном што-н. (таксама перан. учыніць беспарадак дзе-н.).

2. Бязладна раскідаць, перабіраючы што-н. у пошуках, ператрэсці.

   • П. усе паперы.

3. каго-што ў каго-што. Пераканаўшы схіліць да якіх-н. змен; ператварыць у каго-, што-н. пры дапамозе чараў (у казках, легендах).

   • П. у сваю веру.
   • П. у ваўка.

4. Змяніць, сказіць сэнс, змест чаго-н. (разм.).

   • П. на свой лад.

|| незак. пераварочваць, ✂.