Verbum

целяпень, ✂, м. (разм.).

Нязграбны, нехлямяжы чалавек.

цемень, ✂, ж. (разм.).

Густая цемната (у 1 знач.).

• Ц. хоць вока выкалі.

цемна...

Першая частка складаных слоў; ужыв. замест «цёмна...» (у 2 знач.), калі націск у другой частцы падае на першы склад, напр. цемнабровы, цемнавокі, цемнагрывы, цемнаколерны, цемналісты, цемнаскуры, цемнатвары.

цемнабровы, ✂.

Які мае цёмныя бровы.

цемнавокі, ✂.

Які мае цёмныя вочы.

цемнаскуры, ✂.

Які мае цёмны колер скуры.

• Цемнаскурыя плямёны.

цемната, ✂, ж.

1. Адсутнасць святла, асвятлення, цемра.

   • У хаце ц., хоць яшчэ не вечар.

2. перан. Невуцтва, культурная адсталасць, а таксама (разм.) пра малаадукаванага чалавека.

цемнатвары, ✂.

1. Які мае смуглявы, цёмны твар.

2. Які мае колер твару, уласцівы негроіднай расе.

цемра, ✂, ж.

1. Адсутнасць святла, густы змрок, цемната.

   • Начная ц.

2. перан. Культурная адсталасць; невуцтва.

3. перан. Увасабленне зла, пакут, цемрашальства.

   • Перамога святла над цемрай.

|| прым. цемраны, ✂.

цемрадзь, ✂, ж. (разм.).

Тое, што і цемра.