Verbum

бі́знес

(англ. business)

1) камерцыйная, біржавая або прадпрымальніцкая дзейнасць, накіраваная на атрыманне прыбытку;

2) дзелавое жыццё, эканамічная дзейнасць наогул у адрозненне ад іншых сфер жыццядзейнасці.

бізнесме́н

(англ. businessman, ад business = справа + man = чалавек)

той, хто займаецца бізнесам, камерсант, прадпрымальнік.

бі́знес-ву́мен

(англ. business woman, ад business = бізнес + woman = жанчына)

жанчына, якая працуе ў сферы бізнесу; дзелавая жанчына.

бі́знес-лэ́дзі

(англ. business lady, ад business = бізнес + lady = лэдзі)

тое, што і бізнес-вумен.

бікі́ні

(англ. bikini, ад Bikini = назва каралавага вострава ў Ціхім акіяне)

вельмі адкрыты купальны жаночы касцюм.

білбо́рд

(англ. billboard, ад bill = аб’яўляць у афішах + board = дошка)

рэкламны шчыт (на гарадской вуліцы, на дарозе і інш.).

біле́т

(фр. billet)

1) дакумент на права праезду, уваходу, карыстання чым-н. (напр. б. у кіно, праязны б.);

2) дакумент, які сведчыць аб прыналежнасці да якой-н. арганізацыі або пра адносіны да якіх-н. абавязкаў (напр. прафсаюзны б., ваенны б.);

3) папяровы грашовы знак (напр. крэдытны б.);

4) картка з пытаннямі на экзаменах.

білінгві́зм

(фр. bilinguisme, ад лац. bilinguis = двухмоўны)

лінгв. валоданне і папераменнае карыстанне асобай або калектывам дзвюма мовамі.

біль

(англ. bill)

законапраект, які ўносіцца на разгляд заканадаўчых органаў у ЗША, Англіі і некаторых іншых краінах.

біна́рны

(лац. binarius = двайны)

які складаецца з дзвюх частак, з двух кампанентаў (напр. б-ыя сплавы, б-ная сістэма злічэння).