Verbum

блака́да

(англ. blockade)

1) акружэнне войск праціўніка (горада, крэпасці) для знішчэння ці паланення;

2) эканамічная і фінансавая ізаляцыя якой-н. дзяржавы, каб прымусіць яе выканаць пэўныя ўмовы, патрабаванні;

3) выключэнне функцыі якога-н. органа або сістэмы ў арганізме.

блакно́т

(фр. bloc-notes = літар. блок запісаў)

сшытак з адрыўнымі лістамі для нататак.

бланк

(фр. blanc = белы)

ліст паперы з друкаваным загалоўкам установы, прадпрыемства або з часткова надрукаваным тэкстам, астатняя частка якога запаўняецца пры неабходнасці.

бле́йзер

(англ. blazer, ад blaze = ззяць, блішчаць)

прыталены пінжак спартыўнага крою (звычайна яркай расфарбоўкі).

бле́ндер

(англ. blender)

апарат для змешвання прадуктаў з электрапрыводам у ніжняй частцы корпуса.

блеф

(англ. bluff)

выдумка, падман з мэтай запалохаць або стварыць перабольшанае ўяўленне аб сваіх магчымасцях.

бліц

(ням. Blitz = бліскавіца)

1) лямпа для імгненнай моцнай успышкі святла пры фатаграфаванні;

2) праведзеная ў тэмпе партыя шахматнай гульні.

бліцтурні́р

(ням. Blitzturnier, ад Blitz = бліскавіца + Turnier = турнір)

шахматны турнір, у якім на кожную партыю даецца максімальна абмежаваны час.

блок​¹

(англ. block)

1) прыстасаванне для пад’ёму грузаў у выглядзе кола з выемкай па акружнасці і перакінутым цераз яго канатам;

2) вузел машыны з некалькіх аднолькавых элементаў;

3) штучна зробленая з бетоннай сумесі будаўнічая пліта;

4) комплекс будынкаў аднолькавага прызначэння, а таксама частка якой-н. пабудовы.

блок​²

(фр. bloc)

аб’яднанне дзяржаў, партый, груповак для дасягнення агульнай мэты.