аздабле́нне, ‑я, н.
1. Дзеянне паводле знач. дзеясл. аздабляць — аздобіць.
2. Тое, што ўпрыгожвае каго‑, што‑н. Ляпное аздабленне. Ёлачнае аздабленне.
аздабля́цца, ‑яецца; незак.
Зал. да аздабляць.
аздабля́ць, ‑яю, ‑яеш, ‑яе.
Незак. да аздобіць.
аздараве́ць, ‑ею, ‑ееш, ‑ее; зак.
Разм. Палепшыць, узнавіць здароўе; паправіцца, ачуняць. А цяпер цётка гаварыла, як добра [Алежку] будзе ў іх, — вядома ж, ён аздаравее, паправіцца тут за лета. Вышынскі.
аздараві́цца, ‑раўлюся, ‑ровішся, ‑ровіцца; зак.
Палепшыцца, стаць нармальным, пасвяжэць. Спусцілася сонца за лес, пацягнула халадком пасля спякоты, аздаравілася паветра. Нікановіч.
аздараві́ць, ‑раўлю, ‑ровіш, ‑ровіць; зак., каго-што.
1. Палепшыць стан здароўя каго‑н.; зрабіць здаровым. // Зрабіць больш спрыяльным для здароўя. Аздаравіць мясцовасць. Аздаравіць умовы працы.
2. перан. Зрабіць больш нармальным, правільным, здаровым, давесці да патрэбнага стану.
аздараўле́нне, ‑я, н.
Дзеянне паводле знач. дзеясл. аздараўляць — аздаравіць.
аздараўле́нчы, ‑ая, ‑ае.
Накіраваны на паляпшэнне стану здароўя каго‑н. Аздараўленчыя мерапрыемствы. Аздараўленчыя ўстановы.
аздараўля́цца, ‑яецца; незак.
Зал. да аздараўляць.
аздараўля́ць, ‑яю, ‑яеш, ‑яе.
Незак. да аздаравіць.