ствалі́сты, ‑ая, ‑ае.
Які мае шмат ствалоў (пра дрэва, куст).
ствара́льнік, ‑а, м.
Той, хто стварае што‑н.; тварэц. Працоўныя масы — стваральнікі ўсіх матэрыяльных і духоўных каштоўнасцей, галоўны герой гісторыі — павінны былі стаць і галоўным героем літаратуры. Івашын. [Я. Колас] з’яўляецца разам з Янкам Купалам стваральнікам беларускай літаратурнай мовы. «Полымя». // Арганізатар. [Шырма] .. выдатны дзеяч нашай культуры, стваральнік славутага беларускага хору. Машара.
ствара́льны, ‑ая, ‑ае.
Які мае адносіны да стварэння, звязаны з ім. І таму мы пяём сёння песню, у якой Славім хлеб і святло нашых сёл і заводаў, Славім дружбу і сонца над вольнай зямлёй І стваральную, мірную працу народа. Танк. Саюз ССР стаў магутнай крыніцай стваральнай энергіі народаў, гіганцкім паскаральнікам грамадскага працэсу. Машэраў.
ствара́цца, ‑аецца; незак.
1. Незак. да стварыцца.
2. Зал. да ствараць.
ствара́ць, ‑а́ю, ‑а́еш, ‑а́е.
Незак. да стварыць.
стваро́жаны, ‑ая, ‑ае.
Дзеепрым. зал. пр. ад стварожыць.
стваро́жванне, ‑я, н.
Дзеянне паводле знач. дзеясл. стварожваць — стварожыць і стан паводле знач. дзеясл. стварожвацца — стварожыцца.
стваро́жвацца, ‑аецца; незак.
1. Незак. да стварожыцца.
2. Зал. да стварожваць.