Verbum

лесазна́ўства, ‑а, н.

Галіна ведаў аб прыродзе, росце і развіцці лесу.

лесакамбіна́т, ‑а, М ‑наце, м.

Камбінат па нарыхтоўцы і пачатковай апрацоўцы лесу (у 2 знач.).

лесакульту́ра, ‑ы, ж.

Штучнае насаджэнне лесу, якое ствараецца шляхам пасеву або пасадкі.

лесаматэрыя́л, ‑у, м.

Бярвёны, брусы, дошкі і пад. як будаўнічы і вырабны матэрыял.

лесамеліяра́тар, ‑а, м.

Спецыяліст па лесамеліярацыі.

лесамеліярацы́йны, ‑ая, ‑ае.

Які мае адносіны да лесамеліярацыі. Лесамеліярацыйныя мерапрыемствы.

лесамеліяра́цыя, ‑і, ж.

Паляпшэнне прыродных (глебавых, гідралагічных і кліматычных) умоў шляхам лесаразвядзення.

лесанарыхто́ўкі, ‑товак; адз. лесанарыхтоўка, ‑і, ДМ ‑тоўцы, ж.

Дзяржаўная нарыхтоўка лесу (у 2 знач.).

лесанарыхто́ўчы, ‑ая, ‑ае.

Які мае адносіны да лесанарыхтовак. Лесанарыхтоўчая прамысловасць.

лесанарыхто́ўшчык, ‑а, м.

Той, хто займаецца лесанарыхтоўкамі.