Verbum

дрынкаць, ✂; незак. (разм.).

Няўмела іграць на музычным інструменце.

• Д. на гітары.

|| наз. дрынканне, ✂.

дрыпаць, ✂; незак. (разм.).

Ісці, дробна і часта ступаючы.

• Па сцежцы дрыпаў нізенькі чалавечак.

дрэва, ✂, н.

1. Шматгадовая расліна з цвёрдым ствалом і галінамі, якія ўтвараюць крону.

   • Лісцевыя дрэвы.
   • Хвойныя дрэвы.

2. толькі адз. Матэрыял з такой расліны, які ідзе на будаўніцтва, розныя вырабы; драўніна.

   • Разьба па дрэве.
   • Мэбля з чырвонага дрэва.

○

• Радаслоўнае дрэва — радаслоўная табліца ў выглядзе дрэва, якая паказвае разгалінаванне роду, сям’і.

◊

• За дрэвамі не бачыць лесу (неадабр.) — звяртаючы ўвагу на дробязі, забываць пра галоўнае.

|| памянш. дрэўца, ✂.

дрэва...

Першая частка складаных слоў, якая па значэнню адпавядае слову дрэва, напр. дрэваапрацоўка, дрэванасаджэнне.

дрэваапрацовачны, ✂.

Які адносіцца да выпрацоўкі вырабаў з дрэва (у 2 знач.).

• Дрэваапрацовачныя работы.

дрэваапрацоўшчык, ✂, м.

Рабочы, спецыяліст па апрацоўцы дрэва (у 2 знач.).

дрэванасаджэнне, ✂, н.

1. Пасадка дрэў.

2. звычайна мн. Пасаджаныя дрэвы.

   • Трэба ахоўваць дрэванасаджэнні.

дрэвападобны, ✂.

Падобны па форме на дрэва.

• Д. папаратнік.

дрэвастой, ✂, м., зб.

Сукупнасць дрэў, што ўтвараюць лес або ўчастак лесу.

|| прым. дрэвастойны, ✂.

дрэдноўт, ✂, м.

Вялікі браняносец, папярэднік сучаснага лінейнага карабля.

|| прым. дрэдноўтны, ✂.