Verbum

фас

(фр. face, ад лац. facies = твар)

выгляд спераду, з твару (напр. фатаграфавацца ў фас).

фасава́ць

(польск. fasować, ад ням. fassen)

раскладваць, разважваць тавар на пэўныя часткі і запакоўваць іх, рыхтуючы да продажу.

фаса́д

(фр. façade, ад іт. facciata)

архіт. пярэдняя частка будынка, што выходзіць на вуліцу.

фасіліта́тар

(ад англ. facilitate = садзейнічаць)

чалавек, які садзейнічае правядзенню семінараў, круглых сталоў і інш.

фасо́н

(фр. façon)

1) крой, мадэль, форма якога-н. адзення, абутку (напр. сукенка новага фасону);

2) перан. пэўны спосаб, манера (напр. трымаць ф.).

фаст-фу́д

(англ. fast food)

сістэма хуткага харчавання.

фасфа́ты

(фр. phosphate, ад гр. phos = святло)

солі фосфарнай кіслаты, якія выкарыстоўваюцца як угнаенне, а таксама ў тэхніцы і медыцыне.